Ортга назар: учта ҳатто тўртта SIM-карта уясига эга бўлган ноодатий телефонлар

Hasanboy
1534
30.05.2022 10:53

Телефонингизга максимал нечта SIM-карта қўйиш мумкин? Кўплаб ҳудудларда иккита SIM-карта слотига эга бўлган смартфонлар оммалашган. Аммо сўнгги йилларда eSIM-карталар ҳам оммалашиб бормоқда. Улар смартфонда ҳеч қандай жой талаб қилмайди.

Агар сиз бир неча маҳаллий операторлардан фойдалансангиз, албатта, сизга кўпроқ SIM-карта тушадиган қурилма керак бўлади. Биринчи бўлиб GSM телефонлари SIM-карта билан ишлашни бошлаган. Аввалги SIM-карталар тўлиқ ўлчамда бўлган. Шунингдек, ўша вақтларда телефонларда қўнғироқлар тарихи ва матнли хабарлар учун хотира бўлмаган. SIM-карталар эса хотира вазифасини ҳам бажарган.

Шундай қилиб, камида битта SIM-картага эҳтиёж аниқ бўлган. Иккита SIM-карта ҳақида нима дейиш мумкин? 2000-йилда дунёдаги биринчи иккита SIM-картали телефон Benefon Twin тақдим этилди. Ушбу телефон икки йўналишли тармоққа эга бўлган. Ўша вақтда Финляндиянинг VLP оператори иккита SIM-картага эга бўлган ушбу телефоннинг қулайликлари ҳақида кўп гапирган эди.

Gigabyte Gsmart G1317 Rola иккита SIM-картага эга бўлган биринчи Android қурилмаси бўлган. 2010 йил охирида эълон қилинган смартфон 2011 йил апрелида сотувга чиқарилган.

ViewSonic компанияси ҳам 2011 йил февраль ойида ViewSonic V350 смартфонини тақдим этган. Ушбу модель эса ўша йилнинг июль ойида сотувга чиққан эди.

Биринчи учта SIM-картали телефон - Intex IN 5030 Etdi.do бўлиб, у 2010 йилда тақдим этилган. Қурилма бир вақтнинг ўзида GSM+GSM+CDMA уланишини қўллаб-қувватлай олган.

LG 2012 йилда ўзининг биринчи учта SIM-картали телефонини тақдим этди. Бу қурилманинг номи LG A290 эди. Бир йил ўтгач, LG ва MediaTek дунёдаги биринчи 3G Android смартфонини яратиш бўйича ҳамкорликни эълон қилди.

2010 йил охирида дунёдаги биринчи тўртта SIM-картали телефон - Flying F160 тақдим этилди. Ушбу қурилмада ҳатто microSD учун махсус уя ҳам бор эди. Тахминан ўша вақтнинг ўзида яна бир тўртта SIM-картали телефон - OTECH F1 пайдо бўлди.

Кўп ўтмай, тўртта SIM-картали телефонларга талаб ошаётганини билган T&T номли компания ҳар бири атиги 30 доллардан иборат бўлган тўртта моделни сотувга чиқарди. Ушбу компания ўз телефонларни яратишда Blackberry, Motorola ва Nokia қурилмаларининг дизайнидан илҳомланганини яширишмади.

LG ҳам 2013 йилда ўзининг тўртта SIM-картали телефонини сотувга чиқарди. Бундай смартфон ва телефонларга доим ҳам талаб бўлавермаган. Чунки одамларга иккита SIM-картани ўзи ҳам етган.