Осмондан ер остига: галактикани ўрганиш технологияси метроларда қўлланилади
Европа Коинот агентлиги томонидан галактикани ўрганиш бўйича ишлаб чиқилган тизимни Лос-Анжелес метросида муваффақиятли синовдан ўтказишди.
Янги тизимдан йўловчиларни сканерлаш учун фойдаланишмоқда. Тизимнинг ишлаш тамойили шундан иборатки, аппарат инсон танасидаги ўзининг нурларини терагерцли диапазонда тутиб олади.
Агар инсон танасида кийим остида бирор бир буюм яширилган бўлса, у ушбу нурланишни блоклайди, тасвир экранга чиқарилганда ушбу жой доғ бўлиб кўринади.
ЎҚИНГ:Android учун ABBYY’да матн сканерлаш бепул бўлди
Терагерцли камера ёрдамида (қурилма шундай аталади) 10 метр масофада ўтиб бораётган одамларни сканерлаш мумкин. Шу билан бирга, йўловчиларга текширув учун тўхташ ёки махсус эшикдан ўтиш талаб қилинмайди. Шу боис технология метроларда тиқилинчларни четлаб ўтиш имконини беради. Бу билан метро йўловчилари руҳий ноқулайликлардан ҳам халос бўлади.
Терагерцли тўлқинларни детекциялаш қурилмасини яратиш 2000 йилларда бошланган эди. Ундан галактикани кузатиш ва янги оламнинг эволюциялашув жараёнини тушиниш учун фойдаланиш режалаштирилган эди. Бундан ташқари, терагерцли камерани атмосферани мониторинг қилиш учун мослаштиришга ҳам ҳаракат қилинди, яъни қурилма озон қалинлигининг ўзгаришини ҳам кузатиб бориши керак эди. Кейинчалик, тизимни ишлаб чиққан жамоанинг бир нечта аъзоси Thruvision компаниясига ўтиб кетди. Айнан ушбу фирма Европа Коинот агентлигининг барча ишланмаларини ўз қўлига олиб, тизимни тижорат мақсадида ишлатиш даражасигача етказишди.
