От ўрнини той босар

Испаниянинг Барселона шаҳарида бўлиб ўтган Mobile World Congress (МWC) 2022 тадбирида Samsung компаниясининг Mobile Experience бизнес бўлими раҳбари Ро Те Мун журналистлар билан учрашувда, "Galaxy Note энди Ultra сифатида чиқарилади" дея хабар берди. 

Гарчи Note бренди энди чиқарилмаса-да, S Pen стилуси Ultra моделларда қўллаб-қувватланади. Шу йилнинг феврал ойи бошида тақдим қилинган Galaxy S22 Ultra ҳам S Pen билан биргаликда чиқарилган ва айтиш керакки S22 Ultra ташқи кўринишидан худди аввалги Note смартфонларнинг ўзи, фақат Ultra номи остида.

Янги S22 Ultra модели компанияга яхшигина муваффақият олиб келди ва Кореянинг ўзида смартфон учун олдиндан буюртма берганлар сони бир миллиондан ошиб кетган. 

Samsung'нинг сўнгги Note модели Galaxy Note 20 бўлиб қолмоқда, шунингдек, компаниянинг илк Ultra модели ҳам S20 серияси қаторида чиқарилган, Galaxy S20 Ultra. Компания илк Galaxy Note смартфонини 2011 йилда чиқарган эди. 

ЎҚИНГ: Galaxy Book2 Pro ва Book2 Pro 360 ноутбуклари тақдим этилди