Ўз эгаларини рози қилган ТОП-10 смартфон (AnTuTu рейтинги, 2020 йил февраль)
AnTuTu бенчмаркига кўра февраль ойининг энг қудратли ўнта смартфони рўйхатини яқинда эълон қилгандик. Master Lu тақдим этган ўн тўртталик рейтинг эса ундан жиддий фарқ қилади.
ЎҚИНГ: «ЖОНЛИ» ТЕСТ ВИДЕОСИ: iPhone 11 Pro Max кучлими, ёки унинг ярим нархидаги Xiaomi Mi 10 Pro?
Энди эса AnTuTu бенчмарки вакиллари яна битта рейтинг эълон қилишди ва буниси – февраль ойида фойдаланувчиларнинг энг кўп ижобий тақризларига сазовор бўлган смартфонлардир. Унинг етакчиси Huawei Mate 30 5G бўлди – мазкур флагман эгаларининг 97,35% қисми ўз смартфонидан рози. Иккинчи ўринни эса 96,29% ижобий тақриз билан Samsung Galaxy Note 10+ 5G эгаллаган. Кучли учликни 95,96 фоизлик ижобий баҳоланган Vivo NEX 3 5G якунлаб берган.
Мана, ўз эгаларини рози қила олган ўнта смартфоннинг тўлиқ рўйхати қуйидагича:
Кўриб турганингиздек, кучли учликдан кейинги ўринларни Xiaomi Mi 10 Pro, Meizu 16th, Meizu 16th Plus, Meizu 16s Pro, OnePlus 7 Pro, Samsung Galaxy S10+ ҳамда Vivo iQOO Pro 5G эгаллаган.
Қизиғи шундаки, фойдаланувчилар берган баҳосига кўра энг яхши смартфонлар рўйхатида энг кўп моделлар Meizu компаниясига тегишли. Ҳолбуки, мазкур ишлаб чиқарувчи етакчи ёки ўта машҳур смартфонсозлар қаторига кирмайди.
