Ўзбекистон интернет тезлиги бўйича жаҳонда нечанчи ўринда?

Ўзбекистон интернет тезлиги бўйича жаҳонда нечанчи ўринда?

Октябрь ойида Ўзбекистонда интернет тезлиги ошди. Бу билан мобил интернет тезлиги бўйича жаҳонда 110 (шу йилнинг июлида 124ўрин), оптик толали интернет тезлиги бўйича 112 (шу йилнинг июлида 130ўрин) ўринни банд этган. Бу ҳақда Speedtest Global Index маълум қилди.

Хусусан, Ўзбекистонда мобил интернет тезлиги 9,73 Мбит/сонияни,  оптик толали интернет тезлиги 9,28 Мбит/сонияни ташкил этмоқда.

Ушбу рейтингнинг мобил интернет тезлиги бўйича “топ бешта”лигини Норвегия, Исландия, Сингапур, Канада, Австралия бошқараётган бўлса, оптик толали интернет тезлиги бўйича эса Сингапур, Исландия, Гангконг, Руминия ва Жанубий Корея етакчилик қилмоқда.

Маълумот ўрнида айтиш керакки, Speedtest.net сервиси Оокла компанияси томонидан ташкил этилган дунё бўйича ойлик интернет тезлиги рейтингини тузиб борадиган онлайн хизматдир. Speedtest.net’да сиз нафақат рейтингларни, балки ўзингиз фойдаланаётган интернетнинг ҳам тезлигини билиб олиш имкониятига эгасиз.

ЎҚИНГ: ДИҚҚАТ: Интeрнeт тeзлиги 15 кундан сўнг оширилишини «Ўзбектелеком» расман изоҳлади!

Хабарларни тез ва осон ўқиш учун Андроид иловамизни сақлаб олинг.