Ўзбекистонда интернет тезлиги ошди(ми?)

Ookla компаниясининг Speedtest.net хизмати 2022 йил учун илк мобил интернет ўртача тезлиги натижаларини чиқарди ва унда 140 дан ортиқ мамлакатлар иштирок этган. Унга кўра, январ ойида дунё бўйлаб мобил қурилмаларда юклаб олиш ўртача интернет тезлиги 29.62 Mbps, юклаш ўртача тезлиги эса 8.44 Mbps'ни ташкил қилган. 

Рўйхатдаги мавжуд 140 та мамлакат орасида Ўзбекистон ўртача мобил интернети тезлиги 13.85 Mbps натижа билан 115 ўринда бўлиб, бу аввалги ойга нисбатан 4 поғона юқорига кўтарилганлигини кўрсатади. 

Дунё бўйлаб мамлакатлар ўртасида ўртача мобил интернет тезлиги бўйича биринчилик анчадан бери Бирлашган Араб Амирликлари 135.62 Mbps юклаб олиш тезлиги билан эгаллаб келади. Иккинчи ўринда Норвегия (118.44 Mbps), учинчи ўринни Жанубий Кореядан ўтиб кетиб 109.86 Mbps интернет тезлиги билан Қатар эгаллаган. Энг сўнгги 140 ўринда эса Яман бўлиб, мамлакатдаги ўртача мобил интернет тезлиги 0.53 Mbps'ни ташкил қилади. 

ЎҚИНГ: Етакчи веб-браузерларнинг янги версияси интернетни бузиб қўйиши мумкин