Ўзбекистонда интернет тезлиги ошди(ми?)

Ўзбекистонда интернет тезлиги ошди(ми?)

АҚШнинг Ookla компанияси томонидан тақдим қилинадиган ва интернет уланиши ҳолатини таҳлил қиладиган Speedtest веб-хизмати апрел ойига кўра дунё бўйлаб мобил ва кенг полосали интернетнинг ўртача тезлиги натижаларини эълон қилди. Маълум бўлишича, апрел ойида мамлакатимизда интернетга киришнинг иккала усулида ҳам тезлик маълум миқдорда ошган ва Ўзбекистон иккала рейтингда ҳам бир поғона юқорига кўтарилган.

Берилган маълумотларга кўра, юртимизда мобил интернет орқали маълумотларнинг юкланиши тезлиги секундига 13.67 мегабитни ташкил қилади ва Ўзбекистон 140 давлат ичида 120 ўринда турибди. Кенг полосали интернет ўртача тезлиги эса апрел ойи ҳолатига кўра секундига 39.76 мегабит бўлиб, бунда Ўзбекистон 181 давлат орасида 84 ўринни эгаллаган.

Шунингдек, Speedtest Global Index нафақат ўртача, балки давлатларнинг ҳақиқий интернет тезлигини ҳам кўрсатадиган рейтингги мавжуд. Ушбу рейтингга кўра, Ўзбекистондаги ҳақиқий мобил интернет тезлиги (апрел ойи ҳолатига кўра) 20.76 Мб/с, симли интернет тезлиги эса 55.92 Мб/с бўлиб, рўйхатда 124 ва 91 ўринларни эгаллаганмиз.

Дунё бўйлаб мобил интернет ўртача тезлигининг энг юқори кўрсаткичи Бирлашган Араб Амирликларида секундига 134.48 мегабит билан қайд этилган бўлса, симли интернетнинг ўртача тезлигининг энг юқори кўрсаткичи секундига 207.61 мегабит билан Сингапур давлатида белгиланган.

ЎҚИНГ: Ўзбекистондаги энг таниқли алоқа оператори қайси?