Ўзбекистонда киберспорт турнирига рекорд даражадаги иштирокчилар рўйхатдан ўтди

Ўзбекистонда киберспорт турнирига рекорд даражадаги иштирокчилар рўйхатдан ўтди

Юртимизда олиб борилаётган кенг кўламли ислоҳотлар натижасида киберспортчиларимиз ҳам анча кўпайиб қолди – Ўзбекистон Республикаси Рақамли технологиялар вазирлиги матбуот хизмати мамлакатимизда ўтказилаётган киберспорт турнирига рўйхатдан ўтиш жараёни якунланганлигини ва унинг натижаларини эълон қилди.

Маълум бўлишича, PUBG Mobile, CS:GO, Dota 2, FIFA ва eFootbal ўйинлари бўйича республика миқёсида ўтказилаётган "Uzbekiston Esports Championship" турнирига махсус портал орқали 3000 га яқин (2894 та) киберспортчи рўйхатдан ўтган ва улардан жами 770 дан ортиқ жамоалар тузилган. Турнир соврин жамғармаси 332 миллион сўмни ташкил қилади.

Ҳозирда турнир аллақачон бошланиб бўлган ёхуд унинг биринчи босқичига кеча, 12 апрелдан бошлаб старт берилган. Чемпионатнинг ярим-финал ва финал босқичлари эса Тошкент шаҳрида 5-8 май кунлари бўлиб ўтиши режалаштирилган.

Хабарларни тез ва осон ўқиш учун Андроид иловамизни сақлаб олинг.