Ўзбекистонда қайси илова ва ўйинлар энг кўп юклаб олинмоқда?
Data AI (собиқ App Annie) платформасидан олинган маълумотларга кўра, Ўзбекистонда ўтган ойда қуйидаги иловалар ва ўйинлар iOS учун App Store, Android учун Google Play Store дўконларидан энг кўп юклаб олинган.
Ўйинлар бўйича топ ўнталикнинг энг биринчи ўрнини, турли хил хариталарда, турли хил миссиялар билан ҳайдовчилик машина ҳайдаш кўникнамаларини ўрганиш имконини берадиган Traffic and Driving Simulator ўйини эгаллаган бўлиб, у рўйхатга ўтган ойда янги қўшилган "ўйинчи"лардандир. Бир неча ойдан бери биринчиликни эгаллаб келаётган Stickman Party мини-ўйинлар тўплами бу сафар иккинчи ўринда. Учинчи ва тўртинчи ўринларни шутер жанридаги Special Forces Group 2 ва PUBG Mobile ўйинлари эгаллаган бўлса, топ бешлик таниқли Subway Surfers ўйини билан якунланади.
Иловалар бўйича топ ўнликка қарайдиган бўлсак, Meta'нинг Instagram ижтимоий тармоғи ўз жойини ўзгартирмаган ҳолда биринчи ўринда турибди. Иккинчи ўринни юртимиздаги энг таниқли мессенжер, Telegram банд қилган бўлса, учинчи ўринда унинг энг ашаддий рақиби, WhatsApp Messenger иловаси эгаллаган. Гарчи Ўзбекистонда блокланган бўлса ҳам TikTok ижтимоий тармоғи энг кўп юклаб олинган иловалар рўйхатининг топ тўртинчи ўрнини эгаллашга муваффақ бўлган. Топ бешлик Anorbank иловаси билан якунланади.
ЎҚИНГ: ByteDance компанияси Spotify ва Apple Music учун янги рақобатчи тайёрламоқда
