Ўзбекистонда стартапларни ривожлантиришда Финляндия тажрибаси
Куни кеча Инновацион ривожланиш вазирлиги ҳузуридаги Илғор технологиялар марказида ОТМ вакиллари ва талабалар учун стартапларни яратиш ва ривожлантириш, Финляндияда стартаплар ривожланиши ва молиялаштирилишини қўллаб-қувватлаш тажрибаси ҳақида семинар бўлиб ўтди. Бу ҳақда Вазирликнинг расмий сайти хабар бермоқда.
ЎҚИНГ: Андижондаги инновацион лойиҳага Жаҳон банки 140 минг доллар ажратди
Семинарни инновацион ғоя ва стартап-лойиҳаларни интенсив қўллаб-қувватлаш дастури «Startup ташаббуслари» лойиҳаси доирасида Инновацион ривожланиш вазирлиги, Ўзбекистон Савдо-саноат палатаси ва БМТнинг саъй-ҳаракати билан Финляндиянинг Helsinki Business Hub компанияси катта бизнес-консультанти Мария Хартикайнен ўтказди.
Бугунги кунда Финляндия жаҳондаги илғор инновацион, очиқ ва ривожланган рақамли иқтисодиётларнинг топ-бешталигига киради. Helsinki Business Hub ташкилоти бизнесни ривожлантиришга кўмаклашиб, истиқболли стартапларни танлаб олади, уларга Хельсинкида бизнесни бошлашда кўмаклашади.
Сўнгги йилларда Helsinki Business Hub турли мамлакатлардаги ёш тадбиркорларга бизнесларини ривожлантиришда ёрдам берар экан, аввало стартапнинг амалий аҳамияти ва ғоясига эътибор қаратади.
Мария Хартикайнен АКТ, экологик тоза технологиялар ва соғлиқни сақлаш соҳаларида ишлаб, инновациялар билан боғлиқ компанияларнинг ўсиши, шунингдек Финляндия бозорига чиқишда кўмаклашади.
ЎҚИНГ: Рентгенда ҳам кўринмайдиган кариесни аниқловчи инновацион технологиялар Ўзбекистонда қўлланмоқда!
