Ўзбекистондаги энг оммабоп сайтлар қайси?
Hostinger жамоаси дунёнинг ҳар бир мамлакатида энг кўп ташриф буюрилган веб-сайтлар харитасини тузди. Албатта, натижалардан Google, YouTube ва Facebook олиб ташланган, чунки улар шубҳасиз энг юқори ўринларни банд қилиши аниқ.
Умумий маълумотларга кўра, Wikipedia платформаси дунёдаги 43 мамлакатда энг кўп кириладиган сайт ҳисобланар экан. Шунингдек, Twitter ижтимоий тармоғи эса 10 та мамлакатларда, Amazon онлайн дўкони АҚШ ва яна учта мамлакатларда энг оммабоп деб топилган.
Ўзбекистонга келадиган бўлсак, мамлакатимизда энг кўп ташриф буюриладиган веб-сайт kun.uz эканлиги маълум бўлди. Натижалар фақат банк соҳаси билан филтрланганда bank.uz, мода бўйича zara.com, озиқ-овқат бўйича эса russianfood.com веб-сайтларига энг кўп ташриф буюрилиши аниқланган.
Юқоридаги жадвал ёрдамида сиз дунёдаги қайси мамлакатда қайси веб-сайт энг оммабоп эканлигини билиб олишингиз мумкин.
