Ўзбекистондаги энг таниқли алоқа оператори қайси?
Ledokol Analytics жамоаси 2022 йилнинг январидан апрелигача бўлган даврда ижтимоий тармоқлар ва оммавий ахборот воситаларида Ўзбекистоннинг мобил алоқа операторларининг таниқлилиги рейтингини тақдим қилди, дея хабар бермоқда PR.uz.
Улашилган рейтингга кўра, бугун кунда Ўзбекистондаги энг таниқли алоқа оператори UzMobile эканлигини кўриш мумкин. Ундан кейинги иккинчи ўринни эса публикацияларда кўпроқ тилга олинганлиги учун Ucell компанияси банд қилган. Қолган 3-6 ўринларини мос равишда Beeline, MobiUz, Humans, Perfectum Mobile операторлари эгаллаган.
Маълум бўлишича, операторларнинг энг кўп эслаб ўтилиши Ўзбекистондаги энг таниқли платформа, Telegram мессенжерида қайд этилган ва унинг улуши 81 фоизга тенг бўлган. Қолган улушнинг деярли 16 фоизи ижтимоий тармоқларга, 2 фоизи эса ОАВга тўғри келади.
Операторларнинг номлари Интернетда энг кўп тошкентлик фойдаланувчилар томонидан белгиланган бўлиб, уларнинг улуши 61 фоизга тўғри келади.
ЎҚИНГ: Май ойининг энг кучли смартфонлари
