Ўзбекистондаги қайси операторнинг интернети энг тез ишлайди?

Ўзбекистондаги қайси операторнинг интернети энг тез ишлайди?

Beeline Uzbekistan Ookla томонидан Ўзбекистондаги энг тезкор мобил интернетли оператор деб топилди.

Beeline ўз сайтида бу ҳақда шундай ёзади:

«Beeline Uzbekistan» энг яхши мобил тармоғи, энг тез мобил тармоғи ва энг яхши мобил тармоқ қамровига эга бўлган оператор сифатида интернетни синовдан ўтказиш ва таҳлил қилиш бўйича жаҳон етакчиси – «Ookla® Speedtest Awards™»нинг учта мукофотини қўлга киритди.

Истеъмолчилар ташаббуси билан мобил ва кенг полосали тармоқларда интернетга уланиш тезлигини ўлчайдиган дунёга машҳур «Ookla®»дан «Speedtest®» иловаси 2021 йилнинг биринчи ярми якунлари бўйича Ўзбекистондаги мобил тармоғи сифати ва қамрови рейтингини эълон қилди.

Интернет тезлигини фойдаланувчилар бутун Ўзбекистон бўйлаб ўз смартфонларидан ўлчайдилар. Бу энг тўлиқ ва объектив маълумотларни олиш имконини беради. Интернетни синовдан ўтказиш ва таҳлил қилиш бўйича жаҳон етакчиси – «Ookla®» Ўзбекистондаги энг тезкор мобил алоқа тармоғини аниқлаш учун Speedtest® сайтида ўтказилган 160 мингдан ортиқ фойдаланувчи тестларини таққослади.

«Speedtest» натижалари — компаниянинг мамлакатнинг барча ҳудудларида 4G тизимини ишга тушириш бўйича тинимсиз меҳнати туфайли эришилган «Beeline Узбекистан» позицияларининг муҳим тасдиғидир.

«Бу янгилик биз учун шу йилда нишонланадиган компаниянинг 15 йиллигига ажойиб совға бўлди. Айниқса, Ўзбекистондаги «Beeline» тармоғи интернетни синовдан ўтказиш ва таҳлил қилиш бўйича жаҳон етакчиси томонидан энг тезкор сифатида эътироф этилгани қувонарлидир. Биз интернетни мамлакатда энг тез ва сифатли бўлишини таъминлаш учун кўп ишлар қилдик. Ўтган йили, пандемия шароитида, абонентларнинг масофавий ишлашга ўтиши туфайли тармоқдаги юкланиш кескин ошганида, биз бутун мамлакат бўйлаб тармоқлар ўрнатиш ва модернизация қилишни тезлаштирдик ва ҳозир ҳам шундай шиддат билан тармоқни ривожлантириш устида ишламоқдамиз. Биз буни уддалаганимиздан хурсандмиз ва ишонтириб айтамиз, мижозларимиз ҳар доим бизга ишонишлари мумкин!» - деди «Beeline Узбекистан» бош директори Андрзеж Малиновски.

Маълумот узатиш хизматларидан фойдаланадиган «Beeline Uzbekistan» абонентлари сони доимий равишда ўсиб бормоқда. Ушбу тенденцияга мувофиқ, компания рақамли фойдаланувчилар учун янги хизматларни таклиф қилмоқда. Мобил интернетнинг юқори тезлиги сизга онлайн-видеоларни кўриш ва юқори сифатли видеоалоқадан фойдаланиш, катта ҳажмли файлларни тез юклаб олиш ва бизнес учун рақамли хизматлардан фойдаланиш имконини беради. «Beeline Uzbekistan» абонентлари нафақат мобил Интернетдан максимал тезликда фойдаланишади, балки трафикни ўз смартфонлари орқали дўстлари ва оиласи билан бўлишишлари мумкин.

Ҳозирда «Beeline» тармоғида юклашнинг ўртача тезлиги 17,7 Мбит/с, маълумотларни юклаш тезлиги эса 9,12 Мбит/с. Бундай кўрсаткичлар тармоқнинг фаол ривожланиши билан боғлиқ: йил бошидан компаниянинг техник жамоаси 1300 дан ортиқ база станцияларни ишга туширди ва модернизация қилди, шундан 870 дан ортиқ база станциялари — 4G. Алоҳида эътибор тармоқ етказилиши қийин бўлган ҳудудларда аҳолини алоқа билан таъминлашга қаратилмоқда. Шу мақсадда йил бошидан бери 50 дан ортиқ таянч станциялар ишга туширилди. База станцияларнинг аксарияти Фарғона водийсида қурилган – улар 600 дан ортиқ, бу йиллик режанинг 47% ташкил этади. Шунингдек, Тошкент ва Тошкент вилоятида - 280 база станциялар (ёки 21% ортиқ) қурилган. Бунинг сабаби шундаки, бу ҳудудлар ҳам иқтисодий, ҳам саноат нуқтаи назаридан фаол ривожланмоқда, аҳоли зичлиги юқори, бу телекоммуникация тармоғини ривожлантиришга алоҳида эътибор беришни талаб қилади. Июль ойи натижаларига кўра, 4G трафиги 2,25 баробар, абонентга ўртача тезлик эса 1,5 баробар ошди. Маълумот узатиш трафигининг 80% дан кўпроғи 4G тармоғига тўғри келади.

«Албатта, бундай кўрсаткичларга тармоқни ривожлантириш стратегиясини малакали режалаштириш ва тезкор амалга ошириш, бутун жамоанинг яхши мувофиқлаштирилган иши бўлмаганида эришиш мумкин эмас эди. Нафақат йирик шаҳарлар аҳолиси, балки кичик аҳоли пунктлари учун ҳам замонавий рақамли хизматлардан фойдаланишлари биз учун доимо устувор вазифа бўлиб келган ва бўлиб қолмоқда. Биз бу соҳада етакчиликни сақлаб қолиш учун хар доим ҳаракат қиламиз ва абонентларимиз энг тез мобил алоқа тармоғига, ҳамда, бозордаги энг инновацион хизматларга эга бўлишларини истаймиз» – дея изоҳ беради «Beeline Uzbekistan» бош директори Андрзеж Малиновски.

*«Speedtest» сервисини ишлаб чиқарган «Ookla» нинг 2021 йилнинг биринчи ярмидаги маълумотларига кўра, «Beeline Uzbekistan» ўз мижозларини мамлакатдаги энг тез мобил интернети билан таъминламоқда. Ҳар йили бутун дунё операторлари ичида ўтказилган мобил интернет сифати бўйича тадқиқотлар натижалари «Ookla» сайтида эълон қилинади.

ЎҚИНГ: Beeline ва Ucell'нинг 20 мингдан 70 минггача бўлган тарифларини битта жойда таққослаймиз!

Terabayt.uz сайтининг видеолари: Youtube'даги каналимизда!