Ўзбекистонлик 5 муваффақиятли киберспортчи
Киберспорт бутун дунё бўйлаб кенг оммалашиб бормоқда. Ўзбекистондан ҳам спортнинг ушбу янгича тури билан шуғулланувчи истеъдодлар етишиб чиққан. Қуйида уларнинг энг машҳур ва омадлилари билан танишамиз.
Санжар САНЖИ Қулиев, @xdsanji
Санжар Қулиев — профессионал коберспортчи, ўз карьерасини 2009 йилда бошлаган. Syman Gaming жамоаси таркибида ўйнаган.
Ҳозирда у Қозоғистоннинг AVANGAR жамоаси таркибида ўйнайди. Санжар AVANGAR билан BLAST Pro Series Moscow 2019 чемпиони бўлди, Берлиндаги Counter-Strike: Global Offensive мусобақасида эса иккинчи ўринни эгаллади.
Акбар SoNNeikO Бўтаев, @sonneiko_of_the_laputa
Акбар ёш бўлишига қарамай, Dota 2 тажрибали ўйинчиси, унинг истеъдоди МДҲ ташқарисида ҳам тан олинган. У Power Reynjers, Vega Squadron каби машҳур жамоаларда ўйнашга муваффақ бўлган.
Акбар 2016 йилда Украинанинг Natus Vincere жамоаси таркибида 100 минг доллар ютиб олган. Сўнгра, жамоани тарк этган, аммо 2018 йилда жамоага яна қўшилди. Dream League турнирида эса иккинчи ўринни эгаллади.
Сервер CEKKA Керимов, @cekka_k
Сервер CEKKA Керимов Counter Strike: Global Offensive'да профессионал ўйинчи. 2018 йил июнь-октябрь ойларида у Қозоғистоннинг Syman Gaming жамоаси таркибида ўйнаган. У Москвадаги Mid.tv Cybercup'да иккинчи ўринни эгаллаган.
Салоҳиддин Эсанов
Салоҳиддин — Ўзбекистон терма жамосининг киберспортчиси. 2019 йилнинг мартида Хитойда ўтказилган киберспорт бўйича Жаҳон чемпионатида қатнашган. Салоҳиддин Pro Evolution Soccer 2019 турнирида Жаҳон чемпионатига йўлланмани қўлга киритган ягона иштирокчи бўлди.
Яқинда Салоҳиддин World Electron Sports Games 2019: Central Asia - Pro Evolution Soccer 2020 мусобақасида ғолиб чиқди.
Салоҳиддин Электрон спорт ўйинлари: Марказий Осиё -Про Эволюция 2020 мусобақасида ҳам ғолиб бўлган.
Жама James Абдурашитов, @jamesfissure
Жама Абдурашитов — Dota2 профессионал ўйинчиси. Ўзбекистон терма жамоаси ва Россиянинг Imperial Pro Gaming командаси таркибида ўйнайди.
ЎҚИНГ: ТОП-10: 2019 йилнинг энг зўр видеоўйинлари (The Verge рейтинги)
