Павел Дуров: Telegram`га аудио-қўнғироқлар функцияси қўшилади
Юртимизда кенг оммалашган Telegram мессенжерининг асосчиси Павел Дуров компания келгусида хизматга аудио-қўнғироқлар функциясини татбиқ этишини тасдиқлади, деб ёзмоқда vc.ru нашри.
Ижтимоий тармоқларнинг бири орқали бу борада 13 январь куни йўлланган саволга жавоб берар экан, Павел Дуров: “Бу функцияни қўшамиз” деган изоҳни қолдирган. Бироқ аниқ сана ёки бошқа тафсилотларни ошкор қилмаган.
Бундан бир неча кун олдин мессендернинг десктоп версиясида фойдаланувчи мавзуларини қўллаб-қувватлайдиган функцияси пайдо бўлди.
2015 йилда компания Telegram учун аудио-қўнғироқларни шифрлайдиган технология устида иш олиб бораётганини маълум қилган эди.