Пенсия ҳақидаги маълумотларни онлайн усулда – бепул ва осон олинг! (видеоқўлланма)

  •   DiMaX
  •  2034
  •  11.02.2021 16:42

Пенсия ҳақидаги маълумотларни онлайн усулда – бепул ва осон олинг! (видеоқўлланма)

Бир даврага йиғилган нуронийларимиз ўз суҳбатларида пенсия мавзусига тўхталиши шубҳасиз. Бири нафақаси ошган-ошмаганини билмаётганидан, бошқаси пенсияси ҳақида маълумотларни олиш учун кўп овора бўлаётганидан гапириб қолади. Энди эса бу маълумотларни олиш осонлашган, дейилади Ягона интерактив давлат хизматлари порталининг Telegram-каналидаги хабарда.

ЎҚИНГ: Автожарималар тўғрисида маълумотни энди онлайн тарзда – осон ва бепул олинг!

Шундай пайтда улар орасида «замонавийроғи» бўлса, ҳозир бу муаммо эмаслигини айтиб, my.gov.uz портали орқали уйдан чиқмаган ҳолда ҳам маълумот олиш мумкинлигини тушунтира кетади.

Агар бу мавзу сизни ҳам қизиқтириб қолган бўлса, марҳамат, тезда Ягона интерактив давлат хизматлари (my.gov.uz) порталидан рўйхатдан ўтинг.

Ушбу амалиётдан сўнг қидирув сатрига «Пенсия ҳақида маълумот» ёзувини киритиб, сўралган манзилга ўтинг. Хизмат паспорти билан танишиб чиқиб, жараённи давом эттиринг.

Кейинги бўлимда маълумотлар бўйича керакли бандни белгилаб, пенсия турини танланг. Маълумотнома олишдан мақсадингизни кўрсатинг ва ҳужжат тақдим қилинаётган ташкилотни, керакли маълумот бўйича аниқ санани белгиланг.

Навбатдаги жараёнда Электрон ҳукуматнинг хизматлар базаси орқали нафақа маълумотлари кўрсатилган файлга ўтиш сўралади.

Унутманг!

Пенсия жамғармаси томонидан сизга белгиланган давр учун тўловлар миқдори тўғрисидаги маълумотнома мутлақо бепул тақдим этилади.

Хуллас, энди нуронийларимиз ўз нафақалари ҳақида қайғурмаса ҳам бўлади.

ЎҚИНГ: Иш ҳақи суммалари тўғрисидаги маълумотни энди тез ва бепул – онлайн тарзда олишингиз мумкин

Хабарларни тез ва осон ўқиш учун Андроид иловамизни сақлаб олинг.