Перископ камерали ҳамёнбоп Mi 10 Lite ҳамда MIUI 12 тақдимотини Xiaomi расман эълон қилди!
Xiaomi 27 март куни Mi 10 ҳамда Mi 10 Pro флагманларининг глобал анонсидан ташқари, Xiaomi Mi 10 Lite русумли янги смартфонини ҳам кўрсатган. Шунингдек, у ўзининг ўн йиллик юбилейига бағишлаб Xiaomi Mi 10th Anniversary Edition флагманини ишлаб чиққан. Xiaomi булардан ташқари яна Mi 10 SE ҳамда Mi 10S Pro моделларини ҳам тайёрлаётгани тўғрисида хабарлар берганмиз. Яна...
ЎҚИНГ: Xiaomi энг мустаҳкам смартфонини икки хил ҳамёнбоп – Lite-версияда чиқаради!
Xiaomi Mi 10 Lite смартфонини маҳаллий бозорга Xiaomi 10 Mi Youth Edition модели сифатида чиқарилиши кутилмоқда. Ушбу смартфоннинг тўлақонли тақдимоти, шунингдек, MIUI 12 талқинидаги график қобиқ анонси кунини компания расман эълон қилди.
Расмий постерга кўра, Xiaomi Mi 10 Lite ҳамда MIUI 12 намойиши келаси ҳафта – 27 апрель куни, маҳаллий вақт билан соат 14:00 да бошланади.
ЎҚИНГ: Xiaomi яна бир шаффоф флагманини намойиш этди! («жонли» расмлар)
Реклама постерига қараганда, Xiaomi Mi 10 Lite смартфонининг тўртталик камераси 50 карралик зумни қўллаб-қувватлайди, унинг модулларидан бири эса перископ тузилишга эга. «Хитойча Apple» ушбу ҳамёнбоп флагманини асосан ёшларга мўлжаллаган, шу боисдан ёрқин ранглардаги корпусларда чиқаради.
MIUI 12 график қобиғига келсак, унда янгиланган интерфейс, яхшиланган навигация, янгича анимация, аккумулятор қуввати сарфининг оптималлашуви, шунингдек, яхшиланган тўқранг режим бўлади. Унгача янгиланувчи смартфонларининг иккита рўйхатини чиқарган эдик. Кейинроқ эса мазкур апдейтни биринчилар қаторида қабул қилувчи смартфонлар рўйхати ҳам маълум бўлган.
ЎҚИНГ: Xiaomi ёки Redmi смартфонингизга MIUI 12 келишини ҳозироқ текширишингиз мумкин!
