Play Games'нинг янги логотипи Android учун тарқатилмоқда

Play Games'нинг янги логотипи Android учун тарқатилмоқда

Компютерлар учун Play Games'ни ишга туширганида, Google хизмат учун янги логотипни тақдим қилган эди ва энди у Android илова учун ҳам тарқатилмоқда.

2016 йилда, Google ўзининг Play оиласидаги иловалари логотипларини учбурчакка асосланган дизайнда янгилаган эди. Бунда иловаларнинг пиктограммалари қайси илова эканлигига кўра, (масалан, Play Books'да китоб пиктограммаси) учбурчакдан бироз чиқиб турар эди.

Йиллар давомида Play Music иловаси YouTube Music билан, Play Newsstand иловаси Google News билан, Google Movies эса Google TV билан алиштирилди. Play'лар оиласида фақат Play Books, Play Games ва Play Store учлиги қолди.

2021 йилда компютерлар учун Play Games'ни тизер қилиш билан Google хизмат учун янги логотипни эълон қилди. У худди ўтган йили Play Store'нинг 10 йиллигида янгиланган логотип стилида эди.

Янги логотип текис ва соясиз бўлиб, унда сиз ўйин контроллерининг ўнг томони учбурчак ичида жойлашганлигини кўрасиз. Орқа фонда тўқроқ яшил рангдан фойдаланилган бўлса, ўйин контроллерига жуда оч яшил ранг берилган. Шунингдек, Google ушбу логотипнинг ўйин контроллери шаффоф кўриниш олган вариантидан ҳам фойдаланади.

Ва шу янги логотип Play Games'нинг Android иловаси учун 2023.01.40470 версиясида тарқатилмоқда. Иловани ушбу версияга янгилаганингизда янги логотип оқ юмалоқ шакл ичида кўрасиз.

Play Store ва Play Games логотипи янгиланди. Энди Play'лар оиласида фақат Books ўзгаришларсиз қолмоқда ва бу узоқ вақтга чўзилмаслиги мумкин.

ЎҚИНГ: Apex Legends'нинг мобил ўйини ёпилмоқда

Сайт янгиликларидан доимий хабардор бўлиш учун Телеграм каналимизга қўшилинг!