PlayStation 4 учун «Қасоскорлар» харидорларига совға бор!

  •   DiMaX
  •  1321
  •  23.06.2020 13:00

PlayStation 4 учун «Қасоскорлар» харидорларига совға бор!

Sony компаниясининг тўртинчи авлод ўйин приставкалари учун 25 июнгача Injustice: Gods Among Us ўйини бир умрга бепул бериляпти. Энди эса PlayStation 4 эгаларига яна бир хушхабар чиқди.

ЎҚИНГ: Индиана Жонс изидан: бу саргузашт ўйинни 25 июнгача олиб қўйиб, бир умр бепул ўйнанг!

Square Enix компанияси ўзининг «Қасоскорлар» («Avengers») ўйини ихлосмандларига хушхабар эълон қилди. Мазкур ўйиннинг PlayStation 4 учун мўлжалланган версиясини сотиб олганлар унинг янги авлод – PlayStation 5 консолига чиқарилаётган талқинини бепул оладилар.

Шу билан бирга, ўйинсозлар PS5 приставкасига мўлжалланган «Қасоскорлар»нинг айрим хусусиятларини ҳам айтиб ўтишди. Унда тасвир аниқлиги юқори даражада, соялантириш ва фильтрлаш яхшиланган.

Бундан ташқари, бу ўйиннинг PlayStation 5 талқинини икки хил режимда ўйнаш мумкин бўлади:

  • юксак самарадорлик динамик 4К сифатида, сониясига 60 кадрлик частотада;
  • аъло графика – яхшиланган графика билан.

«Қасоскорлар» ўйини шу йилнинг сентябрь ойи бошида PS4, Xbox One ҳамда компьютерлар учун чиқади. PlayStation 5 версияси эса йилнинг охиригача тақдим этилади.

ЎҚИНГ: PlayStation 5’га тайёрланаётган олтмишдан ошиқ ўйин ва чиқиш вақтлари учта рўйхатда!

Terabayt.uz сайтининг видеолари: Youtube'даги каналимизда!