pm.gov.uz’га мурожаат қилишда эркакларми ёки аёллар фаол экани айтилди
2016 йилнинг 25 сентябрида ишга туширилган Ўзбекистон Республикаси Бош вазирининг pm.gov.uz манзилидаги виртуал қабулхонаси декабрь ойининг сўнггига келиб, Ўзбекистон Республикаси Президентининг вирутал қабулхонасига айлантирилган эди.
Давлат идорасида битмаган кўплаб шикоятларнинг ҳал этилиши, мамлакат миқёсида минг-минглаб фуқаролар ҳақ-ҳуқуқларининг таъминланаётгани улкан ижтимоий ўзгаришларга хизмат қилмоқда.
2017 йилнинг 5 май ҳолатига кўра, фуқаролар томонидан 753,169 та мурожаат йўлланган бўлиб, булардан 684,011 мингтаси, яъни 90 фоизи қайта ишланган, фуқароларга тегишли жавоблар берилган, масалалар ҳал қилинган.
Ахборот технологиялари ва коммуникацияларини ривожлантириш вазирлигининг маълум қилишича, бугунги кунда ахборот-коммуникация технологиялари аёлларнинг жамиятдаги ўз позицияларини мустаҳкамлашга хизмат қилмоқда. Хусусан, Ўзбекистон Республикаси Президентининг Виртуал қабулхонасига келиб тушаётган мурожаатлар нисбатида ҳам аёлларнинг мурожаат йўллаши эркакларга қараганда 12 фоизга юқори экан.
Виртуал қабулхонанинг январда тақдим этган маълумотларига кўра, мурожаатларнинг чорак қисми Тошкент шаҳри аҳолиси томонидан юборилмоқда.
