Poco M4 5G тақдим этилди

Poco M4 5G тақдим этилди

Xiaomi ўтган йилнинг ноябрь ойида Dimensity 810 чипи билан жиҳозланган Poco M4 Pro 5G моделини тақдим этган эди. 

Кеча эса компания ушбу қурилманинг арзонроқ версияси Poco M4 5G'ни тақдим этди. Смартфон Dimensity 700 чипидан ишлайди. 

Қурилма Android 12 операцион тизимига асосланган MIUI 13 график қобиғида ишлайди. Унинг 4/64ГБ, 6/128ГБ хотирага эга турлари бўлади. Хотира, шунингдек, microSD картаси билан кенгайтириш имконияти яратилган. 

Гаджет 90 гертсда ишловчи 6.58 дюймли FHD+ LCD дисплейи билан жиҳозланган бўлиб, у Gorilla Glass 3 шишаси билан ҳимояланган. Олд панелда 8МП селфи камера жойлашган. Экран 30, 60, 90 гертс частоталарга ўтган ҳолда ишлаши мумкин. 

Орқа панелда катта “Поcо“ ёзувини кўришимиз мумкин. У ерда, шунингдек, 50МП асосий ва 2МП сатҳ камера жойлашган. Смартфонда 3.5 мм аудио жек ва IP52 стандарти мавжуд. Бармоқ изи сканери ён томонда жойлашган. 

Қурилмадаги 5,000 мАс сиғимли аккумулятор 18 ваттда қувват олади. Қутида эса 22.5 ваттлик қуввлаш адаптери бўлади. Айрим компаниялар самртфонни қувватлагичсиз сотаётган бир вақтда Poco'нинг бундай адаптерларни таклиф қилиши жуда яхши ҳолат. 

Смартфон уч хил рангда тақдим этилди. Унинг нархи қуйидагича: 

4/64ГБ - 170 доллар

6/128ГБ - 195 доллар 

Қурилма 5 май санасидан сотувга чиқади. 

ЎҚИНГ: Энг кучли Poco смартфони тақдим этилди 

Сайт янгиликларидан доимий хабардор бўлиш учун Телеграм каналимизга қўшилинг!