Poco ўзининг янги смартфонини тақдим этди

Poco C40 аслида бундан бир ҳафта кейин, аниқроғи, 16 июнда эълон қилиниши керак эди. Бироқ Poco'нинг Ветнамдаги филиали кечанинг ўзида смартфонни тақдим этди. 

Қурилма HD+ резолюциядаги 6.71 дюймли дисплей, 13МП асосий камера ва 18 ваттдан қувват олувчи 6,000 мАс сиғимли аккумулятор билан жиҳозланган. Qualcomm, MediaTek ёки Unisoc чиплари ўрнига, Poco Шанхайда жойлашган яримўтказгичлар ишлаб чиқарувчи JLW Technology компаниясининг JR510 чипсетини танлади. 

Саккиз ядроли чип 12 нанометрли жараён асосида яратилган бўлиб, ундаги тўртта ядро 2.0 гигагертс, қолган тўрттаси эса 1.5 гигагертсда ишлайди. Унинг унумдорлик даражаси Snapdragon 450 ва Helio G35 чиплариники билан бир хил бўлади. 

Қурилма қора, сариқ ва яшил ранглар ва 4/64ГБ хотира версияда тақдим этилди. Смартфон 17 июндан сотувга чиқади. Унинг нархи тахминан 150 долларни ташкил қилади. 

ЎҚИНГ: Nothing тез орада ўзининг биринчи смартфонини тақдим этади