PogoCam – исталган кўзойнакка ўрнатиладиган митти камера

PogoCam – исталган кўзойнакка ўрнатиладиган митти камера

Шу йилнинг сентябрь ойида Snapchat тармоғи созланган камерага эга бўлган Spectacles  кўзойнакларини намойиш қилган эди. Яқинда эса бундай функциядан фойдаланмоқчи бўлган, бироқ ўзининг севимли қўзойнакларидан айрилишни истамаган фойдаланувчилар учун PogoCam номли митти камера тайёрланди.

SLash Gear сайтининг ёзишича, ушбу миттигина камеранинг ўлчамлари – 10,9 х 12,5 х 42,8 мм.  У 5 МПли сенсор билан жиҳозланган, созланган доимий хотирасига 100 тагача суратни ёки Full HD форматида ёзилган икки дақиқали видеони сақлаш мумкин. Шу билан бирга, камерада 12 сонияли клипларни олиш имконияти ҳам мавжуд.

443465-1205x720

Камера битта тугма ёрдамида бошқарилади, файлларни Bluetooth ёки кабель орқали узатиш мумкин.

PogoCam СES 2017 кўргазмасида намойиш этилади, нархи ҳозирча маълум қилинмаган.

Хабарларни тез ва осон ўқиш учун Андроид иловамизни сақлаб олинг.