«Поле Чудес» бошловчиси Mortal Kombat’да: иккита кулгиги видео

Animation Decks номли YouTube-канал ўтган йилнинг ўртасида қизиқарли видео эълон қилган эди. Унда «Мўъжизалар майдони» – «Поле Чудес» капитал-шоуси бошловчиси Леонид Якубович машҳур Mortal Kombat ўйини жангчиси сифатида чиқади.

ЎҚИНГ: YouTube’даги рекламадан қанча пул тушаётганини Google илк бор эълон қилди

Шу сабабли «Вид» телекомпанияси шикоят қилиб, мазкур роликни YouTube видеохостингидан ўчиртиришга эришганди. У лавҳа муаллифидан 100 минг рубль миқдорида компенсация талаб қилган ва, агарда видеони видеохостингда қолдирмоқчи бўлса, ҳар ойда 30 минг рубль тўлаб бориши кераклигини айтган. Кейинчалик бу видеолавҳа бироз қирқилиб қайта жойланган:

Афтидан, «Вид» телекомпанияси ва Animation Decks канали масаланинг ҳуқуқий томонлари бўйича ўзаро келишиб олишган; зеро, ҳозиргача юқоридаги ролик икки ярим миллион мартадан ошиқ кўрилган.

ЎҚИНГ: 2019 йили YouTube’да энг оммалашган видеоларнинг учта рейтинги билан танишамиз

Энди эса каналда Леонид Якубович иштирокидаги Mortal Kombat’нинг иккинчи қисми ҳам эълон қилинди ва буниси янада кулгили чиққан. Биринчи лавҳадаги каби, бунда ҳам бевосита «Мўъжизалар майдони» давомида бошловчи айтган гаплардан қирқиб олиб, жанг саҳналарига киритиб юборилган.

Қисқаси, кўрмаса бўлмайдиган иккинчи видеоролик:

Шу ўринда эслатиб ўтамиз: YouTube сайтида ҳар ким ҳам ўз каналини очиши мумкин ва бунинг энг осон йўли тўғрисида биз батафсил йўриқнома ҳам эълон қилганмиз.

ЎҚИНГ: YouTube’да атиги бир ойда 1,6 миллион обуначи тўплаган қиз барча видеоларини шу смартфонда оляпти!