Потенциал бестселлер – Redmi Note 9 суратлари ва хусусиятлари

  •   DiMaX
  •  9363
  •  17.04.2020 14:05

Потенциал бестселлер – Redmi Note 9 суратлари ва хусусиятлари

 Redmi K30 Pro ҳамда Redmi K30 Pro Zoom Edition флагманлари энг зўр – Snapdragon 865 процессорли энг арзон телефонлардир. Xiaomi бу билан ҳам чекланиб қолмасдан, аллақачон дунёдаги энг арзон 5G-смартфон бўлмиш Redmi Note 9 5G моделини ҳам ишлаб чиққан.

ЎҚИНГ: Redmi Note 9 5G ҳам тайёр: атиги 140 долларлик 5G-смартфон тезкор қувватлана олади!

Лекин Хитойнинг расмий TENAA регулятори базасида яна битта Redmi смартфонининг хусусиятлари ва ҳатто расмлари пайдо бўлди. У ерда Redmi M2003J15SC номи билан қайд этилган қурилманинг бозорга Redmi Note 9 модели сифатида чиқишини айтишмоқда. Юқорида таъкидланган Redmi Note 9 5G русумли вариантдан фарқли равишда, буниси бешинчи авлод уяли алоқа тармоғини қўллаб-қувватламайди.

Redmi Note 9 орқа панели дизайн борасида Redmi Note 9 Pro ҳамда Redmi Note 9 Pro Max флагманларига ўхшаб кетади, фақат янги смартфоннинг бош камераси остида дактилоскопик датчик ҳам ўрнатилган.

ЎҚИНГ: Samsung ҳам Redmi Note 9 Pro Max нархида «автономлик монстри»ни сотувга чиқарди

Redmi Note 9 селфи-камераси юқори чап бурчакка кўчирилган (Redmi Note 9 Pro ва Pro Max моделларида улар экран тепасининг марказида).

Янги ҳамёнбоп смартфоннинг корпуси 162,3х77,2х8,9 миллиметрлик бўлиб, 198 грамм тош босади. Унинг IPS матрицали экрани диагоналига 6,53 дюймлик, тасвир аниқлиги 1080х2340 пикселлик. Маълумотларга кўра, Redmi Note 9 бош камерасида 48 мегапикселлик асосий датчик қўлланган, олд камера эса 13 мегапикселлик аниқликда.

ЎҚИНГ: Xiaomi «ўлдириб бўлмас» смартфон тайёрлабди: Comet илк «жонли» расмларда!

Redmi Note 9 максимал 2,0 ГГц такт частотасида ишловчи процессор базасида ишлайди, бу MediaTek Helio G80 бўлса керак. Харидорлар уни 3, 4 ва 6 гигабайтлик тезкор хотира, 62, 64 ва 128 гигабайтлик ички хотирали вариантларини танлаб олишлари мумкин бўлади. Шунингдек, microSD-карта ёрдамида унга яна 512 гигабайт хотира қўшиш имкони мавжуд.

Янги смартфон кўпчилик фойдаланувчиларга керакли – маиший техника жиҳозларини бошқарув пульти сифатида қўллаш учун инфрақизил порт билан таъминланган. Унинг батареяси ҳам чаккимас – 4920 мА/соатлик бўлиб, 22,5 ваттлик технология асосида тезкор қувватлана олади; тағин шундай зарядчик смартфон жамланмасининг ўзида бўлади!

Redmi Note 9 кўплаб ранглардаги, жумладан – қора, кўк, яшил, пушти, қизил ва оқ туслардаги корпусларда таклиф этилади. Афсуски, ҳозирча унинг нархи ва тақдимот куни аниқ эмас.

ЎҚИНГ: Redmi ўта арзон гаджетини яхшилаб, яна ўша нархида чиқарди

Сайт янгиликларидан доимий хабардор бўлиш учун Телеграм каналимизга қўшилинг!