Прагада Apple`нинг норасмий музейи очилди
Apple дунё бўйлаб содиқ мухлислари кўп қимматбаҳо брендлардан бири саналади. Уларнинг баъзилари Apple Store`га кириб, янги айфоннинг биринчи харидорига айланиш истагида, ҳатто бир неча кунлаб вақт ўтказади. Баъзилари эса компанияга мансуб маҳсулотларни йиғиб, шахсий коллекция ташкил қилишга киришган.
Чехиянинг Прага шаҳрида Apple компаниясининг норасмий музейи очилди. Экспонатлар орасида кўплаб қизиқ қурилмаларни учратиш мумкин. Масалан, музейда ҳозирда унча-мунча жойда топиш амри маҳол бўлган Lisa компьютери ёки Beatles Collector’s Box (iPod + гуруҳнинг CD-дисклар тўплами), аудиокассеталар ва бошқа кўплаб буюмлар мавжуд.
Музей деворларига компания асосчиси Стив Жобснинг сўзларидан цитаталар ёзилган ва бу ўзгача руҳ берган. Ҳозирда мазкур музейга кирувчилар сони кундан-кун ошиб бормоқда. Сиз ҳам мана бу ерга кириб, музейдаги экспонатлари билан танишишингиз мумкин.
