Pro Max модель Ultra'га айланадими?

Pro Max модель Ultra'га айланадими?

Гарчи iPhone 14 серияси тақдим этилган бўлса-да, ҳали улар расман сотувга чиқмади. Лекин медиа олами энди кейинги йилги iPhone 15 серияси қандай бўлишига қизиқмоқда.

Машҳур Apple таҳлилчилари Минг Чин Куо ва Марк Гурман кейинги йилги iPhone моделлари қандай бўлишига оид тахминларни беришмоқда. Куонинг фикрича, Apple тобора рақобат кучайиб бораётган бозорда сотув ҳажмини ошириш учун iPhone 15 сериясини қайта кўриб чиқади.

Хабар қилинишича, Apple мижозларни кўпроқ юқори даражали смартфонларни танлашга ундаш учун Pro ва оддий моделларнинг техник кўрсаткичлари ўртасида катта номутаносиблигни яратади. Бу билан Pro моделларнинг сотув ҳажми ошади. Қимматроқ моделлар кўпроқ сотилгани учун фойда ҳам шунга яраша кўпроқ бўлади. 

Бундан ташқари, Куо компания Pro ва Pro Max моделлари ўртасидаги фарқларни ҳам катталаштиришини тахмин қилмоқда. Гурман эса Pro Max номи Ultra'га ўзгаришини тахмин қилмоқда. Шуни таъкидлаш керакки, Apple ўзининг бу йилги энг кучли чипи ҳамда смарт соатига Ultra номини берди. 

ЎҚИНГ: iPhone 14 Pro ва 14 Pro Max - янгиликлар етарлича 

Сайт янгиликларидан доимий хабардор бўлиш учун Телеграм каналимизга қўшилинг!