Путин «Россиялик Илон Маск»ни эълон қилди

ТАСС ахборот агентлиги «Владимир Путинга 20 савол» туркумида кўрсатувлар эълон қилиб келаётир. Навбатдаги чиқишида мамлакат президенти кимни «Россиялик Илон Маск» деб ҳисоблашини айтиб ўтган.

ЎҚИНГ: Путин хавфли операцион тизим ишлатиши маълум бўлди

Америкалик тадбиркор, SpaceX ҳамда Tesla бош директори Илон (Элон) Маск жуда машҳур ва ўз ишининг устаси бўлган шахсдир. Путиннинг фикрича, унинг россиялик муқобили, деб «Касперский лабораторияси» ҳаммуассиси – Евгений Касперскийни айтиш мумкин.

«Ўйлашимча, ўз соҳасида унинг қолишадиган жиҳати йўқ», дея таъкидлаган Россия президенти. Владимир Путин дунёга машҳур ва оммалашган дастурий таъминот маҳсулотларини тақдим этиб келаётган Касперскийни дунё бўйича етакчилардан бири, деб ҳисоблайди.

Эслатиб ўтамиз, антивирус дастурларидан ташқари, «Касперский лабораторияси» яна KasperskyOS номли мобил операцион тизими устида ҳам ишламоқда.

ЎҚИНГ: Касперский бепул антивирус чиқарди ва бошқа антивирусларни «илма-тешик» деб атади!