Қачон Apple ҳам букламафон чиқаради?
Тhe Elec нашрининг хабар беришича, Жанубий Кореянинг LG компанияси букланадиган OLED панел ишлаб чиқиш учун Apple билан ҳамкорлик қилмоқда. Панел ултра юпқа ойнали бўлиб, у планшетлар ва ноутбуклар учун мўлжалланган.
Таниқли Apple таҳлилчиси Минг-Чи Куо ҳам бу янгиликни тасдиқламоқда. Унинг айтишича, купертинолик компания ҳозирда 9 дюймли букланадиган, OLED дисплейга эга қурилмани фаол равишда синовдан ўтказмоқда ва бу асосий технологияларни текшириш учун бўлиб, якуний маҳсулот спецификацияси бундай бўлмаслиги мумкин.
Куо ўтган йили Apple 2024 йилда ўзининг илк букламафонини тақдим қилиши айтган эди, лекин янгиликлардан кейин кеча у энди ўз таҳминларини ўзгартирганлигини маълум қилди. У букланувчи Apple қурилмаси 2025 йилнинг бошида iPad ёки iPad ва iPhone гибриди кўринишида тақдим қилинишини таҳмин қилмоқда.
