Қандай қилиб Амиго браузерини компьютердан тўлиқ ўчириш мумкин?

Саид Мамуров
1217
23.03.2016 20:02

Амиго браузери ҳақида эшитган бўлсангиз керак, бу браузер Mail.ru Group маҳсулоти ҳисобланади. Кўпчилик бу браузерни ўрнатмайди, лекин ўзидан ўзи компьютерга ўрнатилиб қолади ёки қизиқиш учун ўрнатиб кўришади, лекин қандай қилиб ўчиришни билишмайди. Нима сабабдан ўчириш керак? деган савол туғилиши табиий, чунки бу браузер бир неча ижтимоий тармоқлар билан бирга ишлайди, барчаси билан уланиб туради, қандайдир янгиланишларни автомат кўчириб туради, хуллас катта ҳажмдаги траффигингизни еб қўяди. Яхшилаб созлаш ишларини олиб борсангиз, бундай бўлмаслиги мумкин, лекин уни созлагандан кўра, бошқа браузерни ишлатиш мани фикримча яхшироқ.

Бу мавзу ҳақида ёзиш ниятим йўқ эди, лекин кўпчилик айнан шу ҳақида сўрашмоқда, Амиго браузери компьютеримга автомат ўрнатилиб қолибди, қаердан келди, қандай қилиб ўчириб ташласам бўлади, ўчирсам ҳам яна пайдо бўлиб қолмоқда деган саволлар кўпайиб кетти.

Бу браузер бирор дастур ёки exe файлни интернетдан кўчириб олиб, компьютерда ишга туширганингизда автомат ўрнатилиб қолмоқда, лекин ўрнатиш ҳақида кўримсиз тарзда огоҳлантиради, аҳамият бермасангиз, автомат юкланиб, ишни бошлаб юборади, қўшимча дастурларни(ижтимоий тармоқ дастурларини) ҳам ўрнатиб ташлайди.

Демак, Амиго браузерини ўчирамиз, унинг учун дастурларни ўчирадиган ойнани очиб оламиз:

Пуск -> Панель управления -> Программы и компоненты

amigo

яна бир йўли, «Win+R» ичига «appwiz.cpl» деб ёзамиз.

appwiz

Ўрнатилган дастурлар ичидан «Амиго» дастурини танлаймиз ва сичқонча ўнг томонини босиб, «Удалить» буйруғини босамиз. Шундан сўнг, дастур компьютердан ўчирилишни бошлайди, лекин тўлиқ ўчмайди, чунки Mail.ru Update процесси ишлайверади.

Енди, қолиб кетган процессни ўчирамиз, «Диспетчер задач» ойнасини чақирамиз, унинг учун CTRL+ALT+DEL ёки CTRL+SHIFT+ESC тугмалари босилади. «Процессы» вкладкасига ўтилади ва «Mail.ru Update» процесси танланади. Сичқонча ўнг томони босилиб, «Открыть место хранения файла» буйруғи танланади, шундан сўнг Mail.ru Update процесси ишлаётган папка очилади, бу файлни ўчириб бўлмайди, чунки ишламоқда, лекин очилган бу папкани ёпиб юборманг, бироздан кейин керак бўлади.

Процесс ишини тугатамиз, «Диспетчер задач» ойнасига қайтиб, «Mail.ru Update» процесси танлаб, сичқонча ўнг томонини босиб, «Завершить процесс» буйруғини танлаймиз ва процессни тўхтатамиз.

mail_ru_update_protsess