Қандай қилиб монитор липпилашини (мерцание) кетказиш мумкин?

Қандай қилиб монитор липпилашини (мерцание) кетказиш мумкин?

Монитор билан содир бўладиган энг катта муаммолардан бири бу — монитор экранининг липпилашидир(мерцание). Бу ҳол ҳар хил ўйинлар ўйнаганда, монитор ёнганда, баъзан эса ўзидан ўзи тез-тез учраб туради. Бу ҳолат барча турдаги мониторларда учраши мумкин (монитор турлари ҳақида). Муаммони қандай ечиш мумкин? Қуйида бу муаммо сабаблари ва ечиш йўлларини ёзиб ўтаман.

1. Монитор экранининг частотаси учун кичик қиймат берилган бўлса, буни кўриш учун (Windaows 7 да)

Панель управления -> Экран -> Настройка параметров экрана -> Дополнительные параметры -> Вкладка монитор -> Частота обновления экрана.
chastota_monitor

Одатда, LCD мониторлари учун нормал қиймат 60-75 Hz бўлиши лозим. Агар сизда кичикроқ қиймат бўлса, каттароғига ўзгартиринг. CRT мониторлари учун (монитор турлари) 80 Hz дан паст бўлмаслиги лозим.

2. Монитор электр токига узайтиргувчи (удлинитель) орқали уланган бўлса ва бу узайтиргувчига бошқа электр ускуналар ҳам уланган бўлса, экран липпилаши мумкин. Бу ҳолда узайтиргувчида, фақат мониторни қолдиринг. Чунки бошқа электр ускуналар монитор ишлашига электр майдон орқали ҳалақит бериши мумкин.

3. Монитор электр токига яхши уланмаган. Контакт яхши эмас, узиб қайтадан токга улаш лозим.

4. Монитор ва компьютерни уловчи кабеллар яхши уланмаган ёки носозроқ, бошқасига алмаштириш лозим.

5. Мониторнинг ўз драйвери ўрнатилмаган, яъни бошқа драйвер билан ишламоқда, ёки видеокарта драйвери ўзиники эмас, буни текшириш учун,

Мой компьютер -> сичқончани ўнг томон -> Свойство -> Диспетчер устройств -> Мониторы
monitor_drayver

Агар қандайдир сўроқ белгиси бўлса, дарҳол драйверни алмаштиринг.

6. Агар монитор CRT турида бўлса, бир неча йиллар давомида ишлаётган бўлса, шу ҳол кузатилиши мумкин, бу монитор физик эскирган ҳисобланади, буни фақат бирор яхши уста тузатиб бериши мумкин.

7. Видеокартадаги чоп этилган (печатной платы) плата элементлари яхши ўрнашмаган бўлиши мумкин, агар видеокартада бир неча кирувчи портлар бўлса, бошқасига улаб кўринг.

Агар сизнинг мониторингиз умуман ёнмаса, монитор ишламаслигининг сабаблари ечими номли мақолани ўқиб чиқишингизни маслаҳат бераман.

Манба: ITportal.Uz