Қандай қилиб қаттиқ диск дефрагментация қилинади
Дефрагментация нима ва қачон бу ишни амалга ошириш кераклигини, олдинги мақолада тушунтириб беришга ҳаракат қилдим. Назарий жиҳатдан бироз бўлса ҳам маълумотга эга бўлдик, энди шу ишни амалий кўрсатиб ўтаман.
Дискларни дефрагментация қилишни Windows утилитаси орқали ҳам ёки бирор бошқа утилита орқали ҳам амалга ошириш мумкин. Мақолада иккаласини ҳам кўрсатиб ўтаман.
Windows 7 операцион тизимида дискларни дефрагментация қилиш учун, қуйидагилар амалга оширилади.
1. Дефрагментация утилитаси чақирилади:
Пуск -> Все программы -> Стандартные -> Служебные -> Дефрагментация диска
Ҳосил бўлган ойнадан, дефрагментация қилиш керак бўлган диск танланади ва «Дефрагментация диска«тугмаси босилади.
Шундан сўнг, бу утилита дискни таҳлил қилиб чиқади(анализ) ва дефрагментацияни бошлайди. Дефрагментация бир неча босқичдан иборат бўлади.
Бу утилита орқали қилинган иш бўйича ҳисоботни чиқаришни топа олмадим, манимча ҳисобот берилмайди.
Дефрагментацияни бирор вақт оралиғида ишга тушириш кераклигини бериб қўйиш мумкин, унинг учун «Настроить расписание«тугмаси босилади ва керакли вақт ўрнатилади.
Бу утилитани «Командная строка«орқали ҳам ишга тушириш мумкин. Унинг учун бу ойнани очамиз(пуск -> выполнить -> cmd)ва қуйидаги буйруқни терамиз.
дефраг C: /U
бу буйруқ C дискни дефрагментация қилади ва «U» калит сўзи орқали, қилинаётган ишларни кўриш мумкин бўлади. Қолган калит сўзларни билиш учун «дефраг» буйруғи терилади ва керакли калит сўзни топиб, ишлатишингиз мумкин бўлади.
TuneUp утилитаси орқали ҳам дискларни дефрагментация қилиш мумкин. TuneUp ҳақида маълумотга эга бўлмасангиз, компьютерни оптимизация қилиш учун утилиталар йиғиндиси — TuneUp Utilities номли мақолани ўқишингизни маслаҳат бераман.
TuneUp’нинг «TuneUp Дефрагментация Диска» функцияси орқали, дискларни дефрагментация қилиш мумкин. Утилитанинг, «Дефрагментация Диска» функцияси ишга туширилади ва қуйидаги ойна ҳосил бўлади ва дефрагментация учун диск танлашингиз мумкин бўлади.
Диск танлангандан кейин, шу диск анализ қилинади, бажариладиган ишлар график орқали кўриниб туради.
Анализ қилиниб бўлгандан сўнг, дефрагментация қилиш керак ёки қилиш керак эмаслиги ҳақида ахборот берилади ва график орқали кўрсатилади.
Керакли пункт танланади ва дефрагментация бошланади(агар керак бўлса).
Бу утилитадан бошқа яна жуда кўп утилиталар мавжуд(Auslogics Disk Defrag, WindowsDefrag, Defraggler ), лекин ишлатиб кўрганим фақат шу утилита.
Манба: ITportal.uz
