Қандай қилиб Windows операцион тизими ишлашини тезлаштириш мумкин

Қандай қилиб Windows операцион тизими ишлашини тезлаштириш мумкин

Windows операцион тизими ишлашини тезлаштириш учун, юзага келган муаммони ечиш керак бўлади. Дастлаб, муаммо нимада эканлигини билиб олиш лозим, муаммолар рўйхатини бошқа мақолада келтириб ўтдим, бу мақолада шу муаммоларни ечишга ҳаракат қилиб кўраман. Демак, операцион тизим ишлашини тезлаштириш учун, қуйидагиларни бажариш лозим.

1. Компютер элементлари электр токи ёрдамида ишлайди, бу элементларнинг ҳарорати ҳаддан ташқари ошиб кетишига йўл қўймаслик керак. Бу элементларга процессор, винчестер, мостлар киради. Компютер ичини очиб, куллерларни ишлашини ва радиаторларни жойлашувига аҳамият беринг. Ҳароратни билиш муҳим ҳисобланганлиги учун, ҳароратни биладиган махсус утилиталар ишлаб чиқилган: Эверест, Everest, HWMonitor. Менинг ўйлашимча процессор ҳарорати максимум 50 градусдан ошмаслиги лозим. Ҳароратнинг ошиши, элементларнинг нотўғри ишлашига олиб келади.

2. Ҳар хил дастурларнинг ўрнатилиши натижасида рейестрда файллар кўпайиб боради, бу дастурларнинг ўчирилиши рейестрни тозаламайди. Рейестрни тозалаш учун махсус утилиталар мавжуд: TuneUp, Ccleaner, EasyClenaer. Шу утилиталар орқали рейестрни тозаланг.

3. Компютерга уланган оператив хотиранинг етишмаслиги, бу бир неча дастурларнинг бир вақтда ишлаши натижасида юзага келади. Шунинг учун, мавжуд оператив хотирани ҳисобга олган ҳолда дастур ва ўйинларни ўрнатинг. Оператив хотиранинг қанча қисми ишлаётганини CTRL+SHIFT+ESC  орқали «Диспетчер Задач Windows» ойнасини чақирган ҳолда, «Быстродействие«вкладкасидан кўришингиз мумкин (максимум85% бўлсин).

tormz_1

Файл подкачки, бу Linux тизимидаги SWAP тушунчасидир. Агар оператив хотира тўлиб қолса, тизим «файл подкачки«га ажратилган жойни оператив хотира сифатида ишлатади, бу ишлаш тезлигини секинлаштиради. Агар бу ҳам тўлиб қолса, компютер қотиб қолиши ёки хатолик ҳақида маълумот бериши мумкин. Файл подкачки учун ажратилган жойни қуйидагича кўриш мумкин (Windows 7).

Mой компьютер -> свойство -> Дополнительные параметры системы -> вкладка дополнительно

tormz_2

Параметры быстродействия -> дополнительнo

tormz_3

Бу қийматни ошириш мумкин.

5. Кўп дастурлар компютерга ўрнатилгандан сўнг, автомат ишга тушиш учун «автозагрузка» бўлимига ҳам ёзиб қўйилади. Компютер юкланганда, бу дастур ҳам тизим билан бирга юкланади. Бу операцион тизим ишлашини ва юкланишини секинлаштиради. Дастурларни бу бўлимдан олиб ташлаш лозим. Унинг учун

Пуск -> Выполнить -> msconfig -> автозагрузкa
                       tormz_4
керак бўлмаган дастурлардан белгилашни(птичкани) олиб ташланг ва ОК.

6. Одатда операцион тизим «C» дискка ўрнатилади, бу дискда 15-20% жой бўш туриш лозим, акс ҳолда компютер секин асталик билан ишлаш тезлигини камайтиради. Кўпчилик бу дискни тўлатиб қўяди, бу диск ичига қуйидаги жойлар ҳам киради:

— иш столи(рабочий стол);

— менинг ҳужжатларим(докумены);

— интернетда кўчириладиган файлларнинг одатий жойи;

7. Компютер антивирус дастурларидан бири билан таъминланган бўлиши лозим, акс ҳолда компютерга вирус тушиб, ишлашини секинлаштириши ёки умуман ишлаттирмаслиги мумкин. Яна бир нарса, антивирус дастурларидан фақат биттасини ишлатинг, бир неча антивирус дастурларидан бир пайтнинг ўзида фойдаланиш, компютер ишлашини жуда секинлаштиради(ўзим гувоҳ бўлганман).

8. Компютер винчестерига жуда кўп файлларни ёзиш, ўчириш ҳам компютер ишлашини секинлаштиради, чунки винчестер секторларига ёзилган ва у ердан ўчирилган файллар сектордаги тартибни ўзгартириб юборади, бу винчестерни ишлашини секинлаштиради, натижада компютер ҳам секин ишлайди. Бу ҳолда, дефрагментация қилиш зарур, бу орқали винчестер секторларига ёзилган файллар тартибланади. Унинг учун (Windows 7 да):

Пуск -> Все программы -> Стандартные -> Служебные -> Дефрагментация дискa
tormz_5
Дастлаб дисклар анализ, сўнг дефрагментация қилинади. Бу анча вақт олади.

9. Тизим блоки ичини тозалаб туриш зарур, чанг, ҳар хил кичик жисмлар ва бошқа кўзга кўринар ва кўринмас моддалар натижасида, компютер элементлари тўғри ишламаслиги ёки умуман ишламаслиги мумкин. Тозалашда, албатта компютерни ўчиринг.

10. Сиз билмаган ҳолда, компютердаги бирор дастур ўз сайтига уланиб, автомат янгиланиб(обновления) бораётган бўлиши мумкин, янгиланиш жараёнида компютер ишлаши секинлашади, бу бирор дастур, операцион тизим ҳам бўлиши мумкин. Унинг учун автомат янгиланишни ўчириб қўйиш керак (Windows тизими автомат янгиланишни ўчириш).

11. Компютердаги бирор элемент, мисол учун оператив хотиранинг бирортаси ишдан чиқган, лекин сиз буни билмаган бўлишингиз мумкин, чунки ҳар сафар бу хотирани текшириб ўтирмайсизку. Компютер ишлаши айнан оператив хотирага боғлиқ, бузилган хотира ҳисобига хотира ҳажми етмаслиги мумкин.

12. Сиз ишлатаётган компютер физик жиҳатдан эскирган, лекин сиз буни ҳисобга олмасдан янги чиқган ўйин ёки дастурларни ўрнатасиз ёки борларини янгилаб кучайтирасиз. Натижада, сизнинг компютерингиз бу дастур ёки ўйинларни ишлатишга қийналади ва ишлаши секинлашади. Шунинг учун, дастур ёки ўйинларни компютерга ўрнатишдан олдин, бу дастурларни ишлаши учун керак бўладиган минимал характеристикалар билан танишинг.

Асосий компютер ишини секинлаштирадиган сабаблар шулардан иборат, агар яна бирор сабаб билсангиз ёзиб юборинг, мақолага қўшиб қўяман.

Манба: ITportal.uz
Сайтимизнинг энг чиройли расмларини Инстаграмдаги саҳифамизда томоша қилинг!