Қандай қилиб Instagram аккаунтни тўлиқ ўчириб юбориш мумкин?

Қандай қилиб Instagram аккаунтни тўлиқ ўчириб юбориш мумкин?

Instagram нафақат бутун дунёда балки Ўзбекистонда ҳам энг кўп фойдаланиладиган ижтимоий тармоқлардан ҳисобланади. Агар сиз ҳам унинг фойдаланувчиси бўлсангиз ва қандайдир сабаблар (эҳтимол компаниянинг сўнгги сиёсати сабаб) ундан қандай қутулишни билмаётган бўлсангиз, ушбу мақола айнан сиз учун. Қуйида қандай қилиб Instagram аккаунтни тўлиқ ўчириб юбориш мумкинлигини кўриб чиқамиз.

Аккаунтни ўчиришдан аввал шуни айтишимиз керакки, аккаунт ўчирилганидан сўнг уни қайта тиклашнинг иложи бўлмайди, яъни сиз платформадаги барча сурат, видео ва хабарларингизни йўқотасиз. Тайёр бўлсангиз бошлаймиз:

1. Аккаунтга кириш

Компютер ёки мобил қурилмангиздан https://instagram.com/accounts/remove/request/permanent/ саҳифасини очинг. Аккаунтни ўчириш учун сиз аввал унга киришингиз керак бўлади. Агар браузерда instagram.com сайтига кирган бўлсангиз, унда бунга ҳожат қолмайди. Акс ҳолда эса тизимга киришингиз керак. Агар паролингизни унутган бўлсангиз, уни ўзгартиришингиз керак бўлади.

2. Аккаунтингизни ўчириш саҳифасида сиздан нима учун уни ўчиришни хоҳлаётганингиз сўралади. Сиз "Махфийлигим ҳақида қайғураман" ёки "Жуда кўп рекламалар" каби вариантлардан бирини ёки "Бошқа нарса"ни танлашингиз мумкин.

3. Сабабни танлаганингиздан сўнг сиздан паролингизни қайта киритишингиз сўралади. Бу сизнинг аккаунт эгаси эканлигингизни ва уни ўчириб ташламоқчи эканлигингизни тасдиқлаш учун.

4. Паролни қайта киритгандан сўнг, "Аккаунтни бутунлай ўчириш" тугмасини босинг. Бу сизнинг аккаунтингизни ўчириб ташлаш учун қўйилган сўнгги қадам бўлади.

Таъкидлаш жоизки, шундан сўнг сизнинг аккаунтингиз Instagram'дан олиб ташланади ва 30 кун ичида платформадан тўлиқ ўчириб юборилади. Агар аккаунтингизни ўчириб юбориш фикридан қайцангиз сиз 30 кун ичида аккаунтингизга қайта кириш билан уни сақлаб қолишингиз мумкин.

ЎҚИНГ: Instagram'дан "Харид қилиш" бўлими олиб ташланади

Сайт янгиликларидан доимий хабардор бўлиш учун Телеграм каналимизга қўшилинг!