Қайси компания смартфонлардан энг кўп даромад олади?
10 йилдан бери Apple ўз смартфонларини сотувга чиқаради ва мана неча йилдирки, бошқа компанияларга қараганда кўпроқ даромад олмоқда.
Counterpoint таҳлилчиларининг сўнгги маълумотларига кўра, купертинолик компания савдоларида мобил телефонлар улуши 32 фоизни, улардан тушган фойда эса компания даромадининг 66 фоизини ташкил этади. Биргина шу йилнинг учинчи чорагида смартфонсозлар 12 миллиард доллар ишлаб топишди.
Apple қандай қилиб бундай натижаларга эришмоқда? Ҳаммаси оддий - компания моделлари таркибида паст даражадаги қурилмалар йўқ. У бозорга фақат юқори нархдаги маҳсулотларни етказиб беради. Хитойлик брендлар яхши фойда олиш учун ўз қурилмаларини "килограмм"лаб сотишлари керак бўлса, "Олма"га эса бир нечта iPhone'ларни сотиш кифоя.
Иккинчи ўринда мобил қурилмалар ишлаб чиқаришдан тушган даромаднинг 17 фоизига эгалик қилаётган Samsung компанияси. Жанубий Корея гиганти бу даражага, биринчи навбатда, Galaxy Note10 оиласининг флагмани ва A сериясининг кенг доираси туфайли эришмоқда.
Хитойлик ишлаб чиқарувчиларга келсак, улар ўзларининг қурилмаларига пастроқ нарх белгилаши уларга кўп пул топишга имкон бермайди. Шунга қарамай, таҳлилчиларнинг таъкидлашича, хитойлик брендлар ўз маҳсулотлари билан премиум нархлар сегментига тобора кириб бормоқда.
ЎҚИНГ: Йил жанги: Samsung vs Apple
