Қойил! Nokia топ ўнталикка қайтди

  •   Saroy
  •  3314
  •  03.08.2018 13:30

Қойил! Nokia топ ўнталикка қайтди

Ишонч билан айтиш мумкинки, Nokia смартфонлар бозорида ўз ўрнини қайтадан топди. Куни кеча мазкур компания смартфон сотиш бўйича энг зўр ўнта компаниянинг сафига қўшилгани ҳақида хабар тарқатилди. Counterpoint Research мутахассисларининг маълум қилишича, 2018 йилнинг иккинчи чораклигида HMD Global смартфон сотиш бўйича дунёда бўйича тўққизинчи ўринни эгаллаган.

IDC рейтинггида смартфон ишлаб чиқариш ҳажми бўйича  кейинги вақтда савдоси пасайиб кетганига қарамай Samsung карвонбошилик қилмоқда. Huawei эса Apple’ни қувиб ўтиб иккинчи ўринга чиқиб олди, Xiaomi ҳам Oppo’дан тобора узоқлашиб, дунёга таъсирини фаол равишда ошириб бормоқда. Аммо энг катта ўсиш 782 фоиз билан айнан HMD Global’да қайд этилди.  Компания халқаро бозордаги экспанциясини  бундан атиги  бир йил бурун бошлаган эди. Бундай жадал ўсишни келгусида ҳам кузатиб бориш жуда қизиқарли бўлса  керак, албатта.

ЎҚИНГ:Nokia’дан янги флагман: нархи 1000 доллар ва камераси ҳам аломат

Апрелдан июнгача HMD Global 4.5 миллион дона смартфон сотган. Бу албатта, LG ва Lenovo/Motorola’дан (10.2 ва 9.9 миллионта, тегишлича) икки баробар оз.

Nokia’нинг бозордаги улуши атиги 1 фоизни ташкил этган, бошқа томондан олиб қараганда, HTC ва Sony компаниялари шу кўрсаткични ҳам қайд эта олмаган. Бошқа компанияларда эса тафовут жуда катта. Сотув бўйича биринчи учлик бозорнинг 46 фоизини эгаллаб турибди.

ЎҚИНГ:Nokia смартфонлари тўлиқ янгиланади

 Strategy Analytics таҳлилчилари Nokia’нинг кучли ўнликка қайтганини баҳордаёқ эълон қилган эди. Аммо компаниялар ҳисоб-китобда  турли услублардан фойдаланиши мумкин. Нима бўлишдан қатъий-назар, HMD Global келгуси беш йил давомида смартфон ишлаб чиқарувчиларининг кучли бешлигига киришни мўлжаллаётгани эътиборга лойиқ.

Сайтимизнинг энг чиройли расмларини Инстаграмдаги саҳифамизда томоша қилинг!