Қойилмисиз: vivo S10 Pro'нинг корпусига расм чизса бўлади! (+видео)
Куни кеча виво S10 ва S10 Pro смартфонларининг техник жиҳатлари TENAA орқали маълум бўлгани ҳақида хабар берган эдик. Шунингдек, Google Play Console листинги ҳам қурилмаларнинг техник жиҳатларини яна бир марта тасдиқлаб берди.
ЎҚИНГ: 5 нанометрлик Snapdragon 888 Plus намойиш этилди – флагманлар учун энг зўр процессор!
Ҳаммасидан қизиғи шуки, тармоқда S10 Pro'нинг қойилмақом бир жиҳатини кўрсатиб берган видео пайдо бўлди. Видеодаги смартфон жиловланмас сайқалли кўк градиент корпусга эга vivo S10 қурилмаси экани таъкидланган. Бироқ корпуснинг жуда қизиқ хусусияти бор.
Корпусга ультрабинафша ранг тушганда, орқа панель тўқ кўк тусга киради. Бу эса нур ёрдамида панелга расм чизиш имконини беради. Бироқ бу эффект 2–5 дақиқада ўз кучини йўқотади.
Видеода ҳолатга қўшимча изоҳ берилмаган, лекин сарлавҳада айтилишича, смартфон ёрдамида ультрабинафша ранг интенсивлигини ўлчаш мумкин.
Google Play Console листингининг тасдиқлашича, смартфон Dimensity 1100 платформаси ва одатдагидан кенгроқ тирқиш ичига жойланган қўш олд камера конфигурациясига эга бўлади. Смартфоннинг 12ГБ оператив хотирали талқини борлиги ҳам тасдиқланган. Дисплей 6,4" OLED панель бўлиб, 90Hz янгиланиш частотасига эга бўлади.
ЎҚИНГ: vivo V20 Pro 5G'нинг техник жиҳатлари ва қадоқ таркиби билан танишамиз
