Qualcomm компанияси NXP Semiconductors’ни харид қилмади, энди 2 миллиард доллар жарима тўлайди
АҚШ ва Хитой ўртасидаги савдо урушидан нафақат ZTE компанияси зарар кўрди. Qualcomm ҳам NXP Semiconductors’ни ўзига қўшиб олиш режасидан воз кечганди, энди у ҳам катта жарима тўлашга тўғри келади.
Qualcomm аслида NXP Semiconductors’ни сотиб олиш ҳақидаги режасини 2016 йил октябрда эълон қилганди. Яқинда эса компания ўзининг таклифини 44 миллиард долларга оширди, аммо икки компаниянинг активларини бирлаштириш тўққизта давлатнинг монополияга қарши кураш билан шуғулланадиган ташкилотлари томонидан маъқуллангандан кейингина амалга ошиши мумкин эди. Уларнинг саккизтаси рози бўлган, фақат Хитой томонининг розилиги кутилаётганди. Американинг чипмейкери айнан унинг қарорини кутиб, харидни бир неча бор орқага суриб келаётганди.
ЎҚИНГ:Qualcomm ғиромликда гумонланмоқда: рақобатчиларни синдириш учун нархлар атай туширилган
Энг сўнгги сана сифатида 25 июль белгиланган эди, лекин Хитой томонидан бир мужда келмагач, Qualcomm кутишни бас қилишга қарор қилди. «Ҳозирги кечаётган геополитика шароитида», хариддан умид қилишга асос қолмаган, дейди CEO Стив Молленкопф (Steve Mollenkopf).
Хўш, энди нима бўлади? Энди нима бўларди, келишув бузилгани учун Qualcomm NXP Semiconductors’га тавон сифатида 2 миллиард доллар жарима тўлайди. Ўз навбатида, Qualcomm акционерларни ҳам хотиржам қилиши керак, бунинг учун, у сотган акцияларини қайтариб сотиб олишга 30 миллиард доллар йўналтиришни (сўнгги янгиликлар туфайли акциялар нархи 6.5 фоизга ошган) режалаштирмоқда.
