Qualcomm нақ 8.5 миллиард транзисторли процессор тайёрлаяпти!

Аввалроқ Lenovo компанияси Snapdragon 850 ARM-процессори базасидаги Yoga C630 WOS русумли, тескарисига ҳам букланувчи ноутбукни тақдим этганди. Энди эса Qualcomm компьютерлар учун навбатдаги авлод чипини тайёрлаётгани маълум бўлди.

ЎҚИНГ: Уйда керак бўладиган 10 та ноутбук: Windows’да ишлайдигани

Янги процессор Snapdragon 1000 (SDM1000) ёки Snapdragon 8180 (SCX8180) деб номланиши мумкин, Qualcomm ҳозирча бу борада бир қарорга келмаган. Аммо асосийси бу эмас – мазкур чипсет нақ 8.5 миллиард дона транзисторни ўз ичига олади! Айтиш керакки, шу пайтгача бозорга тақдим этилган барча процессорлар орасида бу «катта сакраш» бўлади. Зеро, Snapdragon 845 процессорида 5.3 миллиард дона транзистор мавжуд (Snapdragon 850 эса унга асосланган) бўлса, рақобатчиларининг флагман чиплари – Kirin 980 ҳамда Apple A12 Bionic кабилар 6.9 миллиард транзисторга эга.

Мазкур чипсет 7 нанометрлик тех-жараёнга асосланиб, шахсий компьютерлар учун махсус ишлаб чиқилмоқда, смартфонлар учун эса Snapdragon 855 процессорини тақдим этиш режалаштирилган.

ЎҚИНГ: Процессорнинг тури ва хусусиятларини аниқлаш усуллари