Qualcomm Snapdragon 710 чипи ўрта нарх тоифасида энг аълоси

Жорий йилнинг бошида Qualcomm ўзининг янги 700-чи серияли процессори Snapdragon’ни намойиш қилганди. У орқали 600-чи серия ва флагман ҳисобланган 800-чи серия ўртасидаги тафовутни камайтиришга қарор қилган. Бугун эса, компания Snapdragon 710 чипининг расмий анонсини уюштирди.

Янги процессор, Snapdragon 845 каби 10-чи техпроцесга асосланган. Шунингдек,  4х4 конфигурацияли Kryo ядроси билан жиҳозланган ва ИИ функциясидан фойдаланади.

ЎҚИНГ: Qualcomm Galaxy X'нинг тақдирига ойдинлик киритди

Snapdragon 710 2.2 ГГц частотасида ишлайди. Унинг самарадорлиги  Snapdragon 660’га қараганда 20 фоизга кўп. Бундан ташқари, янги қурилма Adreno 616  графикаси ва LTE-модем (X15) билан жиҳозланган. Ттезлиги 800 Мбит/с’гача. Процессор расмларни қайта ишлаш, фокуслаш тезлиги ҳамда VR ва AR учун муҳим аҳамият касб этадиган махсус Spectra 250 ISO чипига эга.

У 3040×1440p форматдаги HDR10 дисплейи билан ишлайди, портлари USB 3.1 ва USB 2.0, икки модулли камераси 32 Мп’гача, шунингдек, махсус датчикли Face Unlock функциясига ҳам эга.

Qualcomm тарқатган хабарда айтилишича, янги чип базасида чиқаётган илк қурилма шу йилнинг иккинчи чорагида харидорлар ҳукмига ҳавола этилади.

ЎҚИНГ: Qualcomm "5G-смартфон" ишлаб чиқарувчи брендларни эълон қилди