Қулай бўлиши учун смартфон бошқарув пунктини экраннинг пастига кўчирамиз

Ҳозирги смартфонлар экрани ўлчами тобора катталашиб бораётир ва бу ҳол медиаконтент кўриш, интернет-сёрфинг учун қулай. Аммо бунда смартфонни бошқариш ноқулай – экраннинг юқори қисмидаги элементларни босиш учун смартфонни бошқа қўлингиз билан ушлаб туришга тўғри келади.

ЎҚИНГ: Смартфонни битта қўлда бошқариш учун қулай меню – Swiftly Switch

Энг кераклиси – экраннинг юқори қисмидан силаб очиладиган бошқарув пунктига ҳам катта экранли қурилмаларда қўлингиз етиши қийин. Шу сабабли уни пастга кўчириб қўйсангиз, ўзингизга қулай бўлади. Бунда сизга Bottom Quick Settings иловаси ёрдамга келади – Android-қурилмангизга уни мана бу ҳавола орқали юклаб оласиз.

Смартфонга Bottom Quick Settings дастурини ўрнатиб олгач, уни ишга туширасиз ва керакли рухсатларни берасиз. Кейин эса бошқарув пунктини ўзингиз истаганча ўзгартира оласиз. Масалан, бу илова ёрдамида унга айрим элементларни қўшиш ёки мавжудларини олиб ташлаш мумкин; соат, аккумулятор қувват даражаси ва опреатор номи кўрсатилган статус-барни пастга кўчирса бўлади...

Айтиш керакки, Bottom Quick Settings’нинг айрим функциялари илованинг премиум-версиясидагина ишлайди. Аммо бепул версиясининг ўзи ҳам сизга кўп имкониятлар беради.

ЎҚИНГ: Google Maps ва бошқа хариталар масштабини битта бармоқда бошқариш мумкин!