Рамкасиз Xiaomi Mi Mix дисплейи Sharp томонидан тайёрланган

Шу ҳафта Хитойнинг Xiaomi компанияси бир нечта гаджетлар тақдимотини ўтказди. Улар орасида рамкасиз смартфон – Xiaomi Mi Mix ҳам бор. Янги модель тўлиқ керамик корпус ва кучли техник параметрларга эга бўлган. 4PDA сайтининг маълум қилишича, модель ташқи тарафдан Япониянинг Sharp фирмаси тайёрлаган Aquos Crystal моделига ўхшаб кетади. Албатта, бу бежизга эмас. Сабаби Xiaomi Mi Mix дисплейлари айнан япониялик гигант томонидан ишлаб чиқарилмоқда.

Sharp компанияси CeaTech 2016 кўргазмасида Sharp Corner R номли рамкасиз смартфон прототипини намойиш қилган эди.

Рамкасиз Xiaomi Mi Mix аниқлиги 1920 х 1080 пиксель бўлган дисплей билан жиҳозланган, экраннинг диагонали 6,4 дюмни ташкил қилади. Бир дюмдаги 363 та пиксель мавжуд.

Бундан ташкари, Xiaomi Mi Mix моделига OmniVision OV16880 сенсорида ишлайдиган 16 МПли асосий камера ҳамда 5 МПли (OV5675 сенсори билан) олд камера ўрнатилган.

Инновацион смартфон 4 ноябрда сотувга чиқади. 4 ГБ тезкор ва 128 ГБ доимий хотира ўрнатилган версиясининг нархи – 515 доллар.