Рангдор экранли, тағин арзон Redmi Band чиқди: бу сизга Mi Band эмас!

  •   DiMaX
  •  1563
  •  03.04.2020 15:38

Рангдор экранли, тағин арзон Redmi Band чиқди: бу сизга Mi Band эмас!

Redmi бренди остида смартфонлардан ташқари яна кир ювиш машинаси, повербанк, қулоқчин, ноутбук, роутер ҳамда телевизор ҳам намойиш қилинган. Xiaomi корпорациясининг суббренди бўлмиш ушбу компания бугун ўзининг илк тақилувчи қурилмасини намойиш қилди.

ЎҚИНГ: Xiaomi ва Redmi смартфонларини 33 фоизгача чегирма билан олиш мумкин!

Янги маҳсулот Redmi Band русумли фитнес-билагузук бўлиб, компания унга 9 апрелданоқ олдиндан буюртмалар ола бошлайди. Аввалдан буюртма расмийлаштиришда мазкур девайсни 13 долларга олиш мумкин, очиқ савдога чиққач эса браслет нархи 14 доллар қилиб белгиланади.

Redmi брендининг илк фитнес-трекери тўртбурчак шаклдаги рангли экранга эга. Дисплейнинг ўлчами диагоналига 1,08 дюймлик, аммо тасвир аниқлик кўрсаткичи айтилмаган. Дизайнига кўра у Xiaomi Mi Band туркумидан анча фарқ қилади.

ЎҚИНГ: «Четроқ тур, Xiaomi!» – Realme яна бир турдаги илк девайсини тақдим этяпти

Redmi Band’да беш хил турдаги жисмоний фаоллик ҳақидаги маълумотларни йиғувчи сенсорлардан ташқари, машқлар мобайнида ҳамда кун давомида юрак уришлари частотасини мониторинг қилиб борувчи оптик датчик ҳам кўзда тутилган. Шунингдек, мазкур ақлли браслет фойдаланувчи уйқусининг сифатини ва давомийлигини ҳам назорат қилади.

«Хитойча Apple»нинг таъкидлашича, Redmi Band оддий фойдаланиш режимида битта қувват билан 14 кунгача ишлай олади. Афсуски, унда контактсиз тўловлар учун NFC модули йўқ.

Харидорлар бу смарт-браслетни зарғалдоқ, яшил-зайтунранг, тўқ кўк ва қора тусларда харид қилишлари мумкин.

ЎҚИНГ: Mi Band 3’дан ҳам арзон янги Mi Band тақдим этилди!

Сайт янгиликларидан доимий хабардор бўлиш учун Телеграм каналимизга қўшилинг!