Рангини ўзгартира оладиган vivo V23 ва V23 Pro қурилмалари тақдим этилди

vivo кеча V23 ва V23 Pro смартфонларини тақдим этди. Смартфоннинг дизайни бир-бирига ўхшаш. Иккисининг ҳам роми металдан ишланган ҳамда орқа панели шиша билан қопланган. 

ЎҚИНГ: realme GT 2 серияси тақдим этилди 

V23 модели ясси дисплей билан, Pro модель эса икки томонга қайрилган дисплей билан жиҳозланган. 

Иккала смартфон матовий қопламдаги Fluorite AG Glass шишасига эга. Қурилмаларнинг Stardust Black ва Sunshine Gold рангдаги турлари беш-олти дақиқа қуёш нурлари остида тургандан сўнг ўз рангини ўзгартириши мумкин. 

vivo V23 Pro смартфонининг орқа ва олд панеллари икки томони қайрилган шиша билан қопланган. Смартфон MediaTek Dimensity 1200 чипи, 8/12ГБ тезкор ва 128/256ГБ доимий хотирага эга. 

Қурилма 90Hz экран янгиланиш частотасида ишловчи 6.56 дюймли AMOLED дисплейи билан жиҳозланган. 

Шунингдек, у 44 ваттда қувват олувчи 4,300 мАс сиғимли аккумуляторга эга. Камералар ҳақида маълумот берадиган бўлсак, олд томонда 50МП асосий селфи камера ва 8МП ультракенг камера жойлашган. Орқа панелдаги камера модулидан эса 108МП асосий камера, 8МП ультракенг камера ҳамда 2МП макро камера ўрин олган. 

vivo V23 модели эса 90Hz экран янгиланиш частотасида ишловчи нисбатан кичикроқ 6.44 дюймли AMOLED дисплейи ҳамда 44 ваттда қувват олувчи 4,200 мАс сиғимли аккумулятор билан жиҳозланган. 

Қурилмага Dimensity 920 чипи ўрнатилган бўлиб, унинг 8/128ГБ ва 12/256ГБ хотирага эга турлари мавжуд. 

V23'нинг камера техник жиҳатлари Pro моделники билан бир хил. Биргина фарқ V23'га 108МП камера ўрнига 50МП асосий камера ўрнатилган. 

Смартфонларнинг нархи қуйидагича: 

vivo V23 (8/128ГБ) - 400 доллар

vivo V23 (12/256ГБ) - 470 доллар

vivo V23 Pro (8/128ГБ) - 520 доллар

vivo V23 Pro (12/256ГБ) - 590 доллар 

vivo веб-сайти ва Flipkart онлайн дўкони орқали смартфонларга олдиндан буюртма бериш мумкин. vivo V23 Pro модели 13 январда, V23 модели эса 19 январда сотувга чиқади. 

ЎҚИНГ: Galaxy S21 FE тақдим этилди