РАСМАН: AnTuTu’да барча флагманларни «ер тишлатган» Meizu 16s тақдимоти ҳам Xiaomi’нинг муҳим намойиш кунига белгиланди
Meizu компанияси тақдимотга тайёрлаётган флагман бундан бир неча кун аввал Geekbench бенчмаркида Galaxy S10+ модели билан куч синашганди. Куни кеча эса бу смартфоннинг AnTuTu сервисидаги янги синов натижаси барчани ҳайратга солди.
Ниҳоят, компания Meizu 16s флагманининг намойиш кунини Weibo ижтимоий тармоғи орқали маълум қилди. Унга кўра, тақдимот 23 апрель куни Хитойда, маҳаллий вақт билан соат 19:30 да бўлиб ўтади:
Айтиш керакки, Meizu компаниясининг асосий рақиби – Xiaomi ҳам айни шу куни тақдимот тадбирини ўтказади. Унда «суперселфи» олувчи – 32 МПлик олд камерага эга Redmi Y3 смартфони ҳамда янги смарт-телевизорлар намойиш қилинади. Афтидан, Meizu ўз тадбирини атайлаб шу кунга белгилаган, чунки айнан смартфонлар борасида улар ўзаро «тенг кучли» рақиблар ҳисобланади.
ЎҚИНГ: Meizu ёки Xiaomi: кимнинг смартфони яхшироқ?
Meizu 16s моделининг техник хусусиятлари ҳақида бир қатор хабарларимизда маълумотлар берганмиз. Унинг тахминий нархи ҳам айтилган – 447 АҚШ долларидан бошланади.
Terashop.uz интернет-дўконимизда эса мазкур компаниянинг турли русумлардаги, бир йиллик расмий кафолатга эга смартфонларини 750 000 сўмдан бошланувчи нархларда харид қилиш имкони бор.
