РАСМАН: Mi 9 ва Mi 9 Explorer Edition флагманларидан кейиноқ Xiaomi яна битта смартфон тақдим этяпти!

  •   DiMaX
  •  1333
  •  15.02.2019 18:10

РАСМАН: Mi 9 ва Mi 9 Explorer Edition флагманларидан кейиноқ Xiaomi яна битта смартфон тақдим этяпти!

Xiaomi компанияси Mi 9 флагманининг тақдимот кунини расман айтган, унинг ишлаётган ҳолдаги «жонли» суратларини ҳамда видеосини кўрсатган. Шунингдек, унинг премиал моделини – тўртта объективли камерага эга илк смартфонини ҳам тайёрлаган.

ЎҚИНГ: 740 долларлик Mi 9 Explorer Edition тўрт модулли бош камерага эга!

Xiaomi Mi 9 ҳамда Mi 9 Explorer Edition моделлари 20 февралда намойиш қилингач, шу ойнинг 24-санасидаёқ компания яна битта смартфон тақдим этади. Яъни, Барселонада бошланадиган Mobile World Congress 2019 очилиши арафасида «хитойча Apple» яна битта моделдаги мобил қурилмасини оммага илк бор кўрсатмоқчи.

Компания ушбу тасвирни эълон қилар экан, 24 февралда намойиш қилинадиган смартфоннинг айнан қайси модел бўлишини айтмаган – буни тахмин қилиб билиб олишни фанатларга қолдирган.

ЎҚИНГ: Xiaomi’нинг янги рекорди: Redmi Note 7 битта кўрсаткич бўйича барча iPhone’лардан ошиб кетди!

Лекин кейинги пайтларда Xiaomi шу қадар кўп русумларда смартфонлар тайёрлаганки, улардан айнан қай бирини шу куни кўришимиз мумкинлигини ҳатто тахмин қилиш ҳам қийин.

 Жумладан, ўша куни қайишқоқ экранли буклама гаджет, умуман тугмачасиз, экранининг тўрт қиррасиям қайрилма смартфон, Redmi Note 7 Pro, Mi Max 4, Pocophone F2, Black Shark 3 намойиш этилиши мумкин. Шунингдек, бу рўйхатга Mi Mix 3 слайдерининг 5G-версиясини ҳамда кейинги авлоди – Xiaomi Mi Mix 3s моделини ҳам қўшсак бўлади.

Айтиш керакки, мазкур компаниянинг сўнгги тақдим этган Redmi Note 7 моделини ҳозирча фақат AliExpress’дан буюртма орқали сотиб олиш мумкин. Жаҳон бозорига чиқарилган айрим Xiaomi смартфонларини эса 819 000 сўмдан бошланувчи нархларда Terashop.uz интернет-дўконимиздан харид қилиш имкони бор. Айниқса, шу кунларда – акция доирасида бу харидингиз янада ёқимли ва манфаатли бўлади.

ЎҚИНГ: Қарши олинг: Terashop.uz’да «Баҳорий кайфият» акцияси!

Хабарларни тез ва осон ўқиш учун Андроид иловамизни сақлаб олинг.