РАСМАН: Ўзбекистонда экстремистик ва террористик профиль, канал ва саҳифалар рўйхати эълон қилинди!

Ўзбекистон Республикасининг 2018 йил 30 июлдаги «Экстремизмга қарши курашиш тўғрисида»ги Қонунининг 14-моддасига мувофиқ, Ўзбекистон Республикасида ташкилотни экстремистик ташкилот деб топиш суд тартибида амалга оширилади. Адлия вазирлиги шундай ташкилотларга алоқадор, деб топилган манбалар рўйхатини эълон қилди.

ЎҚИНГ: Террористлар қайси мессенжерлардан кўп фойдаланиши айтилди

Ташкилотни экстремистик ташкилот деб топиш тўғрисидаги ариза Ўзбекистон Республикаси Бош прокурори томонидан Ўзбекистон Республикаси Олий судига берилади. Қайси ташкилотларга нисбатан суднинг уларни экстремистик ташкилот деб топиш ва Ўзбекистон Республикаси ҳудудида уларнинг фаолиятини тақиқлаш тўғрисидаги қонуний кучга кирган қарори мавжуд бўлса, ўша ташкилотларнинг рўйхати Ўзбекистон Республикаси Адлия вазирлиги ва Олий судининг расмий веб-сайтларида эълон қилиниши лозим.

Ўзбекистон Республикасининг 2018 йил 30 июлдаги «Экстремизмга қарши курашиш тўғрисида»ги Қонунининг 11-моддасига мувофиқ, Ўзбекистон Республикасининг ҳудудига экстремистик материалларни, экстремистик ташкилотларнинг атрибутлари ва рамзий белгиларини олиб кириш, тайёрлаш, сақлаш, тарқатиш ва намойиш этиш, шунингдек уларни оммавий ахборот воситаларида ёхуд телекоммуникация тармоқларида, шу жумладан Интернет жаҳон ахборот тармоғида тарқатиш ва намойиш этиш тақиқланади.

Шунингдек, мазкур моддага кўра, Ўзбекистон Республикаси ҳудудига олиб кирилаётган, тайёрланаётган, сақланаётган, тарқатилаётган ва намойиш этилаётган, шунингдек оммавий ахборот воситаларида ёки телекоммуникация тармоқларида, шу жумладан Интернет жаҳон ахборот тармоғида тарқатилаётган ва намойиш этилаётган материаллар қонун ҳужжатларида белгиланган тартибда экстремистик материаллар деб топилади.

ЎҚИНГ: Telegram орқали Суриядан бошқарилган террорчилар қўлга олинди

Шундан келиб чиқиб, Ўзбекистон Республикаси Олий судининг 2019 йил 12 мартдаги ҳал қилув қарорига кўра, интернет жаҳон ахборот тармоғининг «najot.info» ва «hizb-uzbekiston.info» веб-сайтлари ҳамда «Facebook», «Youtube» ва «Telegram» ахборот ресурслари ва ижтимоий тармоқлардаги қуйидаги номлардаги профиль, канал ва саҳифалари экстремистик ва террористик деб топилди:

1. «Абу Салоҳ дарсликлари»
2. «Жаннат ошиқлари»
3. «Шом овози»
4. «Тавҳид ва жиҳод»
5. «Islam Abu Khalil»
6. «Полвон Новқатлик»
7. «Сохиб Махмудов»
8. «Фаррухбек Абдуллаев»
9. «Мамарахимов Абдурахим Миркомилович»
10. «Мухожир Полвон»
11. «Abu Aisha»
12. «Turkiston»
13. «Хуррият инфо»
14. «Нажот»
15. «ал-Ваъй»
16. «Роя»
17. «Usulul fiqh»
18. «Mustalahul hadis»
19. «Darslardan qisqa lavhalar»
20. «Fiqh ahkomlari»
21. «Tavhid darsi»
22. «Qiyomatdan avvalgi fitnalar»
23. «Savol va javoblar»
24. «Foida Mp3»
25. «Foida va qoidalar»
26. «Tafsir darslari»
27. «Talbisu iblis darslari»
28. «Islomni buzuvchi amallar darslari»
29. «Nomoz va benomozga taluqli masalalar»
30. «Ayollar darslari silsilasi»
31. «Aqiyda darslari»
32. «Silsilaviy darslar va ma’ruzalar»
33. «Muhim darslar»
34. «Aqiydatul vositiya»
35. «Mustalahul hadis»
36. «Alfatx»
37. «Talabalar uchun darslar»
38. «АЛЪ-ФАТҲ ТВ»
39. «DA’VAT UZ»
40. «HIDOYAT TV»

Биз ўқувчиларимизни огоҳликка чақириш баробарида, билмасдан шуларга аъзо бўлиб қўйганлар бу канал ва саҳифаларни тарк этишларини тавсия этамиз. Уларнинг материалларини тарқатмаслик ва бошқаларни ҳам огоҳлантиришга чорлаймиз.

ЎҚИНГ: Telegram’да ақидапарастлик ғояларини тарқатган новвойга ҳукм ўқилиб, телефони ҳам мусодара этилди