РАСМАН: Samsung ҳамёнбоп Galaxy M смартфонларининг тақдимот кунини эълон қилди!

Жанубий кореялик техногигантнинг янги ва энг арзон – Galaxy M туркумидаги смартфонларининг расмий намойишини дунё бўйича кўпчилик интиқлик билан кутмоқда. Уларнинг нархлари ва айрим жиҳатларини бугун Samsung ходими расман эълон қилган эди.

ЎҚИНГ: Шу ойдаёқ сотувга чиқаётган Galaxy M10, M20 ва М30 нархларини Samsung расман эълон қилди!

Энди эса Samsung компанияси Galaxy M туркумидаги қурилмаларининг расмий намойиш санасини ўзининг расмий сайти орқали эълон қилди. Унга кўра, янги сериядаги смартфонларнинг тақдимоти 28 январь куни Ҳиндистонда бўлиб ўтади. Сайтдаги махсус саҳифада янги смартфоннинг айрим хусусиятлари ҳам суратлар билан берилган.

Хабарларга кўра, дастлаб янги туркумнинг иккита вакили – Galaxy M10 ҳамда Galaxy M20 тақдим этилади. Galaxy M30 моделининг намойиши эса кейинроқққа қолдирилиши мумкин. Ушбу смартфонлар фақат Amazon интернет-дўкони орқали онлайн усулда сотилади.

ЎҚИНГ: Galaxy M30 арзон бўлса-да, учталик камерага ва нақ 5000 мА/соатлик аккумуляторга эга!