Расмий видео кутилаётган «бели бақувват» ва ҳамёнбоп Galaxy A21s’нинг айрим жиҳатларини кўрсатди
Samsung яқиндагина тақдим этган Galaxy A21 смартфонининг янада яхшиланган версияси – Galaxy A21s моделини тайёрлаганидан хабарингиз бор. Биз аввалроқ унинг Geekbench сервисида текшириб кўрилгани ҳақида ёзгандик.
ЎҚИНГ: Ҳамёнбоп Galaxy A21s – улкан аккумуляторли ва «кўзи ўткир» смартфон
Ушбу янги смартфоннинг инсайдерлар тақдим этган видеосини 91mobiles нашри эълон қилди ва уни расмий реклама ролиги, дейишмоқда. Бу эса Galaxy A21s тақдимотининг яқин эканлигидан далолатдир.
Юқоридаги лавҳа қурилманинг номини тасдиқлашдан ташқари, ушбу моделнинг янги имкониятга эга эканлигига ҳам ишора қилмоқда. Live Camera номли мазкур функция ижтимоий тармоқларда ва YouTube’да тўғридан-тўғри трансляциялар олиб бориш имконини беради.
Сўнгги «сизиб чиққан» маълумотларга кўра, Galaxy A21s анча «бели бақувват» – нақ 5000 мА/соатлик аккумуляторга эга. Galaxy A21 квадрокамерасида асосий модул 16 мегапикселлик бўлса, унинг S-версияси бош камерасида энди 48 мегапикселлик асосий датчик қўлланмоқда. Шунингдек, унинг техник таъминоти асосида Samsung ҳали тақдим этиб улгурмаган Exynos 850 процессори қўлланиши ҳам айтилмоқда.
ЎҚИНГ: Samsung ўта арзон Galaxy J2 Core (2020) смартфонини тақдим этди!
