Razer Blade 4K UHD дисплейга эга бўлди
Razer, ўйин ўйнашга ихтисослашган жаҳоннинг таниқли ноутбук бренди ўзининг оммалашиб улгурган Razer Blade ўйинлар лаптопини янада такомиллаштирди. Жумладан, мазкур ноутбук Intel компаниясининг энг сўнгги илғор Kaby Lake процессорлари билан таъминланди. “Core i7-7700HQ Kaby Lake” деб ном олган мазкур “электрон юрак”нинг частота тезлиги 2.8 Ггц. Процессор 16 ГБ тезкор хотира, 6 ГБ сиғимли Nvidia GTX 1060 график-тасвирга масъул қўшимча тезкор хотира, 256 ГБ/ 512 ГБ доимий ички хотира ҳамда 1 ТБ.гача қўшимча хотирани қўллаб-қувватлаш тизими билан таъминланган.
Razer Blade 14 дюймли full-HD (пиксель сиғими 1920×1800 белги) экранга эга бўлди. Гаджет Windows 10 операцион тизими ўрнатилган ва фойдаланувчилар унинг ёрдамида FL Studio 12 профессионал мусиқий студиясини бепул юклаб олишлари мумкин.
Янги Razer Blade битта USB Type-C Thunderbolt 3, учта USB 3.0, шунингдек, HDMI 2.0 видео ва аудио портига, 3.5 мм қулоқчин коннекторига эга. Ноутбук 1.86 кг тош босади. Унинг ўлчамлари: 345x235x17.9 мм.
Razer компанияси мазкур янги талқиндаги ноутбукни аввалгисидан $100 қимматга, яъни $1,899 доллардан сотмоқда. Ноутбук март ойидан бошлаб халқаро бозорда сотувга чиқарилади.
Razer, шунингдек ноутбукнинг 4K UHD (пиксель сиғими 3840×2160 белги) тачскрин талқинини ҳам ишлаб чиқармоқда. Мазкур талқиндаги ноутбук 1.95 кг вазнга эга. Унинг 4K UHD версияси 2017 йилнинг иккинчи чорагида $2,399 доллардан сотувга чиқади. Бу талқинда 512 ГБ ички хотира ва 1 ТБ қўшимча хотирани қўллаб-қувватлайдиган тизим ўрнатилган.
Razer — профессиональ ўйин қурилмаларини ишлаб чиқарувчи фирмага 1998 йилда АҚШда асос солинган. Айни кунда Razer компьютер учун сичқонча, клавиатура, наушник, ўйин тизимлари ишлаб чиқармоқда.
